29 шілдеде Қызылорда қаласындағы шағынаудандардың бірінде атыс болды, деп хабарлайды Egemen.kz облыстық Полиция департаментіне сілтеме жасап.
Оқиға 29 шілде түнгі сағат 22.30 шамасында облыс орталығындағы «Шұғыла» шағынауданында болған. Тұрғындар көшеден атыс дауысын естіген.
«Аталған дерек бойынша ҚР Қылмыстық кодексінің 293-бабының 3-бөлігіндегі 2-тармағы «Бұзақылық» бойынша сотқа дейінгі тергеп-тексеру амалдары басталды. Оқиғаның мән-жайы анықталып жатыр», деді облыстық Полиция департаментінің баспасөз қызметі.
Жылдам ақпарат алу үшін Facebook, Instagram желілері мен Telegram каналымызға жазылыңыз!