Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » Мектеп асханасында түсіндірме жұмыстары жүргізілді

Мектеп асханасында түсіндірме жұмыстары жүргізілді

   Мектеп жасындағы балалардың өсу процесі қарқынды. Ал, ақпараттың көптігі мен мектеп бағдарламасының қиындай түсуі оқушылардың ақыл-ойына анағұрлым күш түсіреді. Мектеп бағдарламасынан басқа көптеген балалар үйірмелерде, спорт секцияларында қосымша айналысады. Сондықтан дене және психикалық денсаулықты қалыптастыру мен сақтау және мектеп бағдарламасын толық меңгеру үшін оқушылардың тамақтануын сауатты ұйымдастыру өте маңызды. 
Көптеген ата-ана оқушының тамақтануы мәселесінде өз талғамы жеткілікті деп санайды. Алайда, дұрыс тамақтану принциптері мен гигиенасының ережелерін білу, түсіну маңызды.
Оқушылардың мектептегі тамақтануын тиімді әрі қауіпсіз ұйымдастыру мақсатында Қызылорда облысының Жалағаш ауданында «Мектеп асханаларына қойылатын санитарлық-эпидемиологиялық талаптар мен саламатты тамақтанудың ұйымдастырылуы»  тақырыбында семинар-кеңес өткізілді. Оған мектеп аспазшылары, әлеуметтік педагогтар, кәсіпкерлер мен медицина қызметкерлері қатысты.
Шара барысында «Мектеп асханасында санитарлық талаптардың сақталуы» тақырыбында арнайы көрме ұйымдастырылып, қатысушылар аспазшылардың стандарттарға сай киім үлгілері, пайдалануға рұқсат етілген ыдыстар көрмесі, мектеп асханасындағы тағамдардың қажетті құжаттары, асханада тағамдардың көршілестік орналасуы, мектептегі 4 апталық ас мәзірімен танысты.
Бұдан бөлек, мектеп асханасында заңдылықтардың сақталуына байланысты құқықтық кеңес беру бұрышы қызмет көрсетті. Онда Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті мамандары «Мектеп асханасында асты дайындауға қойылатын санитарлық-гигиеналық талаптар» бойынша мектеп асханаларында оқушыларға ұсынылатын ас мәзіріне кіргізуге тыйым салынған тағамдар тізімі бойынша түсіндірме жұмыстарын жүргізді. Сонымен бірге мектеп асханасында  кәсіпкерлер мен қызметкерлер арасында келісім шарттардың сақталуы туралы кеңестер, қажетті ақпараттар берді.
Семинар-кеңес барысында тексеру кезінде көп кездесетін мәселелерді болдырмау үшін департамент мамандары мектеп асханалары мен буфеттерде тамақтандыруды ұйымдастырушы жеке кәсіпкерлерге тағам өнімдерінің қауіпсіздігін аспаптық және зертханалық зерттеулерді қоса алғанда, өндірістік бақылауды аккредиттелген зертханалармен келісім шарт жасасу арқылы өз-өзіне бақылауды жүргізуді қамтамасыз ету туралы кеңестер берді.
25 қараша 2019 ж. 265 0

PDF нұсқалар мұрағаты

№95 (1594)

07 желтоқсан 2019 ж.

№94 (1593)

04 желтоқсан 2019 ж.

№93 (1592)

30 қараша 2019 ж.

Жаңалықтар мұрағаты

«    Желтоқсан 2019    »
ДсСсСрБсЖмСбЖс
 1
2345678
9101112131415
16171819202122
23242526272829
3031 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 7 350 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам