Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » Биыл қазақстандықтар қажылыққа бара алмайды

Биыл қазақстандықтар қажылыққа бара алмайды


Биыл қазақстандықтар коронавирусқа байланысты қажылыққа бара алмайды. Бұл жөнінде Қазақстан мұсылмандарының діни басқармасы хабарлады.
Әлемді шарпыған коронавирус кеселіне байланысты биыл қажылыққа келушілер көлемі айтарлықтай шектеледі.
«Коронавирус індеті әлемнің 180-нен астам еліне таралып, COVID-19 вирусынан ажал құшқандар саны 1 миллионға жетті. Одан бөлек 7 миллион адамның вирус жұқтырғаны белгілі болды. Осыған орай Сауд Арабиясының Денсаулық сақтау министрлігі пандемиядан туындаған қауіп-қатердің алдын алу және оның таралуына жол бермеу, сондай-ақ жаһандық денсаулық сақтау ұйымдарының талаптарын ескере отырып биылғы қажылық рәсіміне бірқатар шектеу қойды» деп мәлім етті басқарма.
Сауд Арабиясы Корольдігінің басты міндеті – мұсылман қажыларға қажылық және ұмра рәсімдерін қауіпсіз орындауға әрқашан мүмкіндік жасау. Пандемия басталғалы бері қажыларды қорғау үшін барлық сақтық шаралары қабылданып, қасиетті орындарға сырттан келушілер шектелді.

«Қасиетті жерлерде жүрген қажылардың қауіпсіздігін қамтамасыз ету мақсатында, Ислам елдері мен және халықаралық ұйымдардың талаптарын ескере отырып, шектеулерді әрі қарай күшейте түстік. Себебі бізге салдары өлімге әкелетін қауіпті індеттің алдын алу маңызды. Коронавирус инфекциясы адамдар көбірек жиналатын орындарда, үлкен жиындарда таралатыны дәлелденіп отыр. Сондықтан да биылғы 1441 жылдың (2020 жыл) қажылық рәсімі Сауд Арабиясында тұрып жатқан өте аз көлемдегі адамдардың қатысуымен ғана өтетіні жайлы шешім қабылданды. Бұл шешім қауіпті вирустың алдын алу және қажылардың денсаулығын сақтау мақсатында жасалып отыр» делінген Сауд Арабиясының қажылық және ұмра министрлігі мәлімдемесінде.
Айта кетейік, бүгінде Сауд Арабиясы коронавирус індетін жұқтыру дерегі бойынша араб елдері арасында алғашқы орында тұр. Бұл елде 160 мыңнан астам адамның қауіпті вирус жұқтырғаны белгілі болды.

24 маусым 2020 ж. 158 0

PDF нұсқалар мұрағаты

№51 (1652)

08 шілде 2020 ж.

№50 (1651)

04 шілде 2020 ж.

№49 (1650)

30 маусым 2020 ж.

Жаңалықтар мұрағаты

«    Шілде 2020    »
ДсСсСрБсЖмСбЖс
 12345
6789101112
13141516171819
20212223242526
2728293031 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 10 566 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам