Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » ЕЛБАСЫ БАСТАМАСЫ ЕЛ ИГІЛІГІН АРТТЫРАДЫ

ЕЛБАСЫ БАСТАМАСЫ ЕЛ ИГІЛІГІН АРТТЫРАДЫ

   Елбасы Нұрсұлтан Назарбаевтың «Бес әлеуметтік бастамасы» атты халыққа үндеуіне байланысты Өңірлік коммуникациялар қызметінде брифинг өтті. Жиынға «Тұрғын-үй құрылыс жинақ банкі» Қызылорда облыстық филиалының директоры Әділжан Сәулебаев және «Жас Отан» ЖҚ облыстық филиалының төрағасы Талғат Тілес қатысып, бес әлеуметтік бастаманың маңыздылығына тоқталды.
Елбасы жұмыс істейтін әрбір қазақстандық тиімді жолмен несиеге пәтер алуы үшін «7 – 20 – 25» бағдарламасын ұсынды. Банктер бұрын бастапқы жарнаға  пәтер құнының 30 кейде 50 процентін салуды талап етсе, бұл бағдарламада бастапқы жарна 20 проценттен аспайды. Ал өңірдегі «Тұрғын үй құрылыс жинақ банкінің» директоры  Әділжан Рақымжанұлы бастаманы қолдауға дайын екенін айтты.
- Бағдарлама арқылы әрбір ел тұрғыны 7 проценттен аспайтын несие өсімінің мөлшерлемесімен, алғашқы жарна 20 пайыз көлеміндегі, несиелендіру мерзімі 25 жылға дейінгі баспанаға қол жеткізеді. Президент тапсырмасына сәйкес, Үкімет пен ҚР Ұлттық банк бірлесіп, бағдарламаның механизмі мен жүзеге асыру талаптарын дайындауы қажет. Бастаманы «Тұрғын үй құрылыс жинақ банкі» қолдауға әзір. Себебі, банк осыдан 15 жыл бұрын Елбасы тапсырмасына орай құрылып, қазақстандықтарды қолжетімді баспанамен қамтамасыз ету міндетін сәтті орындап келеді. Бүгінгі таңда 1 млн 68 мың қазақстандық «Тұрғын үй құрылыс жинақ банкінде» депозит ашқан. 173 мың 519 қазақстандық үйлі болды, − деді ол.Елді елең еткізген бес әлеуметтік бастама ең алдымен жастарды қуантты. «Жас Отан» ЖҚ облыстық филиалының төрағасы Талғат Тілес Елбасының әрбір Жолдауда жастарды назардан тыс қалдырмайтынын, «7 – 20 – 25» бағдарламасы, «Жалақысы төмен жұмысшылардың еңбекақысын көбейту үшін олардың салық жүктемесін азайту», 2018-2019 жылы қосымша 20 мың грант бөліп, 2022 жылдың соңына дейін студенттерге арнап кемінде 75 мың орындық жаңа жатақхана салу, елді газбен қамтамасыз етуді жалғастыру бастамалары жастарды қолдау мақсатында жүзеге асатынын жеткізді. «Жастар әркез Елбасымыздың қамқорлығын сезініп келеді. Ендігі кезекте сенім артар жастар үмітті ақтауы тиіс",-дейді Талғат Оспанұлы
06 наурыз 2018 ж. 974 0

PDF нұсқалар мұрағаты

№40 (1641)

30 мамыр 2020 ж.

№39 (1640)

26 мамыр 2020 ж.

№38 (1639)

23 мамыр 2020 ж.

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 10 033 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам