Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » ҚЫЗЫЛОРДАДА ҮЗДІК ҚҰРЫЛЫС ШЕБЕРЛЕРІ АНЫҚТАЛДЫ

ҚЫЗЫЛОРДАДА ҮЗДІК ҚҰРЫЛЫС ШЕБЕРЛЕРІ АНЫҚТАЛДЫ

     Байқау «Үздік қалаушы» және «Үздік сылақшы» номинацияларында өтті.
  Байқауға қатысу үшін Қазақстанның барлық аумақтарынан 30 қатысушы өтінім берген.
Қызылорда облысы әкімінің орынбасары Қуанышбек Ысқақов қатысушыларды құттықтап, құрылысшы мамандығының маңыздылығын атап өтті.
«Құрылысшылардың ерен еңбегінің арқасында облысымызда және Қазақстанның өзге аймақтарында ірі инвестициялық жобалар жүзеге асырылып, заманауи нысандар салынуда. Өздеріңіз көріп отырғандай, Қызылордада Сырдарияның сол жағалауында 15 шағын аудан, әлеуметтік және бизнес-нысандарды қамтитын жаңа қала бой көтеруде. Осы байқауды біз Астананың 20 жылдығы мен Қызылорданың 200 жылдығына орай, сондай-ақ, жұмысшы мамандықтарды насихаттау мақсатында ұйымдастырдық. Кәсіби шеберлік байқауына еліміздің барлық аймақтарынан құрылысшылар қатысуда», - деді Қуанышбек Ысқақов.
Ұймдастырушылардың айтуынша, байқау барысында барлық тапсырмаларды дұрыс орындаумен қатар қауіпсіздік шараларын сақтау және шығармашылық көзқарас есепке алынды.
Байқау қорытындысымен «Үздік қалаушы» және «Үздік сылақшы» номинацияларында жеңімпаздар анықталды.
«Үздік қалаушы» номинациясында бірінші орынды Айжарық Ниязов (Атырау обл.), екінші орынды Зердебек Исқалиев (Батыс Қазақстан обл.), үшінші орынды Бауыржан Чунетов (Маңғыстау обл.) иеленді. «Үздік сылақшы» номинациясында бірінші орынды Нина Дерксен (Қарағанды обл.) жеңіп алса, екінші орын Еркемай Темірғалиеваға (Павлодар обл.), ал үшінші орын Ғани Елғожинге (Жамбыл обл.) бұйырды. Жеңімпаздарға диплом мен бағалы сыйлықтар – комьютер, теледидар және ноутбуктар – табысталды.
Атап өтейік, сайыс Сырдарияның сол жағалауындағы құрылыс нысандарында ұйымдастырылды.
Бүгінде Қызылорда қаласының сол жағалауы қарқынды құрылыс алаңына айналды. Жаңа қалада 1925 жылы ұлтқа «қазақ» атауын қайта беру туралы тарихи шешім қабылданған Қазақ Орталық атқару комитетінің бұрынғы ғимараты архивтегі сызбалар бойынша қайта салынған Рухани жаңғыру орталығы салынды. Қазіргі таңда мұнда 18 көпқабатты тұрғын үй салынып, қала күніне орай пайдалануға берілмек. Сондай-ақ, мұнда 320 орындық балабақша, «Болашақ» университетінің студенттер қалашығы, жастар ресурстық орталығы, емхана, Неке қию сарайы мен өзге де әлеуметтік нысандардың құрылысы салынуда. Биыл осы аумақта халқымыздың ой-санасы, ұлттық салт-дәстүрі, тұрмыс-тіршілігін ескере отыра, шығыс стиліндегі тұрғын үйлер салынбақ.
Қызылорда облысында 41 әлеуметтік нысан салынуда, 30 нысан биыл пайдалануға берілмек, қалған 11 нысан жоспар бойынша 2019 жылға өтпелі. Сондай-ақ, облыс орталығында «Нұрлы жер» бағдарламасы бойынша 42 көпқабатты үй (1664 пәтер) салынып жатыр, оның ішінде 620 пәтерлік 17 үй - арендалық баспана. 25 көпқабатты үй (1044 пәтер) жеке инвесторлар есебінен салынып жатыр, одан бөлек, биыл 2017 шақырым инженерлік желі тартылмақ.
16 мамыр 2018 ж. 102 0

PDF нұсқалар мұрағаты

№58 (1460)

06 тамыз 2018 ж.

№57 (1459)

31 шілде 2018 ж.

№56 (1458)

28 шілде 2018 ж.

Жаңалықтар мұрағаты

«    Тамыз 2018    »
ДсСсСрБсЖмСбЖс
 12345
6789101112
13141516171819
20212223242526
2728293031 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 1 205 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам