Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » ӨЛКЕМІЗДІҢ РУХАНИ ТАРИХЫН ТАНУҒА АРНАЛҒАН ЭКСКУРСИЯ

ӨЛКЕМІЗДІҢ РУХАНИ ТАРИХЫН ТАНУҒА АРНАЛҒАН ЭКСКУРСИЯ

  Елбасымыз таяуда жариялаған «Болашаққа бағдар: рухани жаңғыру» атты мақаласында «Туған жер» бағдарламасын қолға алуды ұсынды. Сондай-ақ, отансүйгіштік сезімнің кіндік қаны тамған жеріңе, өскен ауылыңа, қалаң мен өңіріне, яғни туған жеріңе деген сүйіспеншіліктен басталатынын қадап айтты. Мемлекет басшысы аталмыш бағдарламаның мәнін түсіндіре келіп, ауқымды өлкетану жұмыстарын жүргізудің маңыздылығына, туған жердің тарихын танып білуге назар аударған болатын.
Осыған орай кеше облыстық Қазақстан халқы ассамблеясының ұйымдастыруымен аймақтың тарихи-өлкетану мұражайының қолдауымен этномәдени бірлестіктерге арналған экскурсия өтті. Оған облыс әкімі аппараты жанындағы «Қоғамдық келісім» КММ директоры Уалихан Ибраев, этномәдени бірлестік жетекшілері, мүшелері, БАҚ өкілдері қатысты.
Экскурсияның басты мақсаты маңызы жоғары мақалаға үн қоса отырып, қатысушылардың танымдық көзқарасын, ой өрісін, дүниетанымын кеңейту, өлкеміздің рухани тарихын, туған жерге деген сүйіспеншілігін арттырып, патриоттық сезімін ояту.
Бүгінгі таңда облыстық тарихи-өлкетану мұражайының қорында 56 мыңнан астам экспонат бар. Музей орналасқан бұл ғимараттың өзі 1953 жылы салынған қаламызды көркейтіп тұрған архитектуралық көне ескерткіштердің бірі. Көне ескерткіш – Сыр бойының өткені мен бүгінің баяндайтын үлкен мәдениет орталығы болып табылады. Айта кету керек, мұражайдың археологиялық топтамалары 1980 жылы қалыптаса бастаған. Оған облыс аумақтарына жүргізілген археологиялық – қазба экспедициялары жұмыстары кезінде табылған 2915 экспонат кіреді. Олардың көбісі баға жетпес заттар болып табылады. Жалпы алғанда мұражай қоры археологиялық, этнографиялық жинақтар, зергерлік әшекей бұйымдар, сирек кездесетін кітаптар мен қолжазбаларға бай.
"Туған жер" бағдарламасы аясындағы облыстық этномәдени бірлестік өкілдерінің келесі аялдамасы Сырдарияның бойындағы "Қорқыт ата" ескерткіші болды. Өз кезегінде этнос өкілдері ұйымдастырушыларға өлкеміздің рухани тарихын біліп, тереңірек тануға ықпал жасағаны үшін алғысын білдірді.


Облыстық Қазақстан халқы
ассамблеясының баспасөз қызметі.

31 қазан 2017 ж. 184 0

PDF нұсқалар мұрағаты

№43 (1445)

12 маусым 2018 ж.

№42 (1444)

09 маусым 2018 ж.

№41 (1443)

05 маусым 2018 ж.

Жаңалықтар мұрағаты

«    Маусым 2018    »
ДсСсСрБсЖмСбЖс
 123
45678910
11121314151617
18192021222324
252627282930 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 890 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам