Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » КӘСІПКЕРЛЕРДІ ТЕКСЕРУ 19 ПАЙЫЗҒА ТӨМЕНДЕГЕН

КӘСІПКЕРЛЕРДІ ТЕКСЕРУ 19 ПАЙЫЗҒА ТӨМЕНДЕГЕН

  Бұл туралы ҚР Бас прокуратурасы Құқықтық статистика және арнайы есепке алу жөніндегі Комитетінің Қызылорда облысы бойыншабасқармасының бөлім басшысы Дильмұрат Иминов Кәсіпкерлер палатасы жанындағы Қызылорда облысының кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңес отырысында айтты.
«Кәсіпкерлік қызметті жүргізуде заңсыз кедергі келтіретіндердің жолын кесу, бизнеске түсірілетін әкімшілік қысымды азайту біздің жұмысымыздың бағыты», - деген Дильмұрат Иминов өткен жылмен салыстырғанда бақылау, қадағалау органдары тарапынан кәсіпкерлерді тексеру көрсеткішінің төмендегенін жеткізді.
Мәселен өткен жылы бақылау, қадағалау органдары тарапынан 3126 кәсіпкерлік нысанын тексеру тіркелген болса, биыл бұл көрсеткіш 19 пайызға төмендеп 2524-ті құраған.
Дегенмен мемлекеттік органдар тарапынан әлі де болса заңсыз тексерушілер қатары азаймай тұр екен. Дильмұрат Иминов Құқықтық статистика және арнайы есепке алу басқармасымен осы жылы жеке кәсіпкерлерді заңсыз тексерудің 44 фактісінің алдын алғандықтарын жеткізді. Кәсіпкерлерді заңсыз тексеруге құлықтылардың басым бөлігін қоғамдық денсаулық сақтау органдары мен төтенше жағдайлар органдары құрап отыр екен.
Тиісті органдар жұмыс жасағанына қарамастан кәсіпкерлік нысандарын заңсыз тексеру фактілері бәрібір орын алыпты. Өткен жылы 2 факті ғана болса, биыл бұл көрсеткіш 12-ге жеткен. Заңсыз тексергендер де сол қоғамдық денсаулық сақтау органдары мен төтенше жағдайлар органдары екен. Аталмыш 12 заңсыз тексерудің 10-ы Жаңақорған ауданында орын алса, 2-еуі Қармақшы ауданында болған.
Осы ретте, Құқықтық статистика және арнайы есепке алу басқармасының мамандары Бас прокуратура қолданысқа енгізген «Qamqor» мобильді қосымшасын қолданып, тексеруге қатысты шағымдары болған жағдайда жедел түрде мәлімет жеткізуді сұрайды.
08 қараша 2017 ж. 100 0

PDF нұсқалар мұрағаты

№30 (1432)

21 сәуір 2018 ж.

№29 (1431)

17 сәуір 2018 ж.

№28 (1430)

14 сәуір 2018 ж.

Жаңалықтар мұрағаты

«    Сәуір 2018    »
ДсСсСрБсЖмСбЖс
 1
2345678
9101112131415
16171819202122
23242526272829
30 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 634 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам