Қалалық қоғамдық-саяси газет

Ақмешіт апталығы

Газет 1994 жылдан бастап шығады
» » » "Көрінгім келмейді": Кезінде "Шаншардың" жұлдызы болған Жұлдызай қазір қайда жүр

"Көрінгім келмейді": Кезінде "Шаншардың" жұлдызы болған Жұлдызай қазір қайда жүр

Кезінде "Шаншар" әзіл-оспақ театрының арқасында жұлдызы жанған Жұлдызай Дүйсенбиева он жыл бойы көрермен назарынан тыс қалды. Сахнадан кету - өнер иесінің өз қалауы болып шықты. Ел алдына шықпағанына біршама уақыт өткен әзілкештің қазіргі өмірі қандай екенін "Айта берсін" бағдарламасына сілтеме жасаған KAZ.NUR.KZ материалынан біле аласыздар.
Жұлдызай Дүйсенбиева шоу-бизнес ортасынан оқшауланып жүруінің себебін түсіндірді.
Тұрмысқа шығып, ана атанған ол өміріндегі басты арманы орындалғанын айтты. Бүгінде экс-әзілкеш өз уақытын барынша отбасына арнап жатқанын жеткізді.
"Сахнаны қатты сағынып, құлазып, қызуым көтеріліп ауырып жатқан жоқпын. Өйткені, шыны керек, менің көп жыл күткен бақытым: отбасым, бала-шағам болса дегем. Сол себепті, қазіргі таңда сол отбасыма көп көңілді бөліп жатырмын" , - деді Жұлдызай.
Өнер иесі әзіл сахнасына қайта оралуды қаламайтын көрінеді. Мұндай шешімге келуіне танымал әзілкештің өзіндік себептері бар.
"Адам жасына сай болу керек деп ойлаймын. Сахнада жүрген кезімде мен жас едім. 25-26 жастағы Жұлдызай едім.
Қазір болса жасым 40-қа келіп қалды. Сондықтан әр нәрсенің өз уақыты болу керек. Қырыққа келіп, секеңдеп жүрсек, өзімізден кейінгі ұрпаққа не өнеге береміз?
Бұл - менің тұрмысқа шыққаннан кейінгі, ана болғаннан кейін, келін болғаннан кейінгі жауапкершілікті алған қалпым осы" , - деді ол.
Оған қоса, Жұлдызай Дүйсенбиева өзінің шынайы өмірде салмақты әрі сабырлы адам екенін айтып, сахнада тек образда болғанын түсіндірді.
"Жалпы мен негізі осындай салмақты адаммын. Сахнада көрген кезде жұрттың бәрі жеңілтек деп ойлайды. Негізі мен ондай емеспін. Бала кезімде тіптен күлмейтін едім.
Неге оқшауланып жүргенімді білмеймін. Бәлкім, сондай шақ шығар менде.
Оқшауланғым келеді, онша көп көріне бергім келмейді. Өзімнің көңілім соны қалап тұр. Көпшілік ортаға шыға бергім келмейді" , - деді Дүйсенбиева.
"Шаншардың" бұрынғы жұлдызы бүгінде бір қызды тәрбиелеп отыр. Ол болашақта тағы да балалы болуға ниетті екенін білдірді.
30 қазан 2019 ж. 263 0

PDF нұсқалар мұрағаты

№88 (1587)

12 қараша 2019 ж.

№87 (1586)

09 қараша 2019 ж.

№86 (1585)

05 қараша 2019 ж.

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930 

Суреттер сөйлейдi

ТҮНГІ ҚЫЗЫЛОРДА
01 қараша 2017 ж. 6 907 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам