1 қаңтарда Нидерландының бас шаһары Амстердамда Вонделькерк шіркеуінде ірі өрт шықты. Өрт басталғаннан кейін ғимараттың жоғарғы бөліктері опырылып, қаланың бірнеше көшесіне қауіпті от жарқырауы тараған, деп жазады Egemen.kz.
Өрттің барысы
Өрт түнгі 00:00 шамасында басталған. Бір сағат өткен соң ол ірі ауқымды деп танылған. Себебі от тез таралған. Ал, аудан тығыз орналасқан тұрғын үйлермен қоршалған еді. Апаттың ауырлығын ескере отырып, Grip 2 деңгейіндегі аймақтық төтенше жағдай жарияланды. Бұл деңгей бірнеше қалалық және аймақтық құтқару қызметтерінің үйлесімді жұмысын талап етеді.
Басты міндет – тұрғындардың қауіпсіздігі
«Бұл монументалды шіркеудегі күшті және қорқынышты өрт. Алдымен біз жақын үйлердің тұрғындарының қауіпсіздігін қамтамасыз етуіміз керек», деді мэр Фемке Халсема.
Жақын маңдағы үйлерден тұрғындар эвакуацияланды. Аудан тұрғындарына NL-Alert жүйесі арқылы қатты түтінге байланысты ескерту жіберіліп, кеңестер ұсынылды. Шіркеу айналасындағы барлық көшелер жабылды.
Вонделькерк туралы
Вонделькерк шіркеуі 1872 жылы салынған тарихи нысан. Бастапқыда ол католиктік қызмет атқарған, 1977 жылға дейін діни мақсатта пайдаланылған. Соңғы бірнеше онжылдықта ғимарат мерекелік іс-шаралар өткізуге және шағын кәсіпорындарға арналған орын ретінде қолданылған.
Жылдам ақпарат алу үшін Facebook, Instagram желілері мен Telegram каналымызға жазылыңыз!