АҚШ пен Иран екі апталық уақытша бітімге келіскеннен кейін мұнай бағасы барреліне 100 доллардан төмен құлдырады. Бұл келісім Тегеранның Ормұз бұғазын қайта ашуына айырбас ретінде Америка-Израиль әскери науқанын тоқтатуды көздейді, – деп хабарлайды kursiv.media
Bloomberg мәліметінше, АҚШ пен Иран екі апталық бітімге келіскеннен кейін мұнай бағасы барреліне 100 доллардан төмен түсті.
Мұнай 16%-ға арзандады
Brent маркалы мұнайдың бағасы 16%-ға дейін арзандап, барреліне 95 доллар шамасында саудаланды, ал West Texas Intermediate (WTI) соңғы алты жылдағы ірі құлдырауды көрсетіп, 96 доллар төңірегінде тұрақтады.
Президент Дональд Трамп атысты тоқтату режимі Иранның бұғазды ашуына тікелей байланысты екенін және бұл келісімді «түпкілікті аяқтау және жүзеге асыруға» мүмкіндік беретінін айтты.
Мұнай 80 доллардан төмен түсе ме?
«Мұнай бағасы 80 доллардан төмен түсуі үшін өте үлкен оқиға болуы керек», – деді Prestige Economics LLC президенті және бас экономисі Джейсон Шенкер Bloomberg TV-ге берген сұхбатында. «Бірақ бұл келіссөздердегі кез келген сәтсіздік бағаны тез арада қайтадан 100 доллардан асырып жіберуі мүмкін».
Өңделген мұнай өнімдерінің бағасы да арзандады: Еуропа дизельнің фьючерстері 23%-ға арзандап, төрт жылда қатты құлдырады. Әлемдік мұнай мен сұйытылған табиғи газдың бестен бір бөлігі өтетін маңызды су жолының жабылуы энергия нарығын дүр сілкіндірген болатын.
Шикізат трейдерлері әлі де сақтық танытып отыр. Олар Парсы шығанағынан жүк тасымалдамас бұрын бітімнің тұрақтылығына көз жеткізгісі келеді. Сонымен қатар, кеме иелері жаңа танкерлерді жібермес бұрын, аймақта қалып қойған кемелердің қауіпсіз шығуын күтетіндерін айтты. Қазіргі уақытта соғыс салдарынан 800-ден астам кеме бөгеліп қалған.
Жылдам ақпарат алу үшін Facebook, Instagram желілері мен Telegram каналымызға жазылыңыз!