Грекия парламенті бұрынғы спикер, «Жаңа демократия» партиясының мүшесі Константин Тассуласты ел президенті етіп сайлады. Оны дауыс беруге қатысқан 276 депутаттың 160-сы қолдаған, деп хабарлайды Egemen.kz.
Президент болып сайлану үшін Тассулас кемі 151 дауыс жинауы керек еді. Ол енді Грекияның алғашқы әйел-президенті Катерина Сакелларопулдың орнына келеді. Мемлекет басшысы қызметіне наурыздың 13-нен бастап кіріседі. Константин Тассулас 66 жаста.
Бұған дейін Мәдениет министрі, Қорғаныс министрінің орынбасары қызметтерін атқарған.
Жылдам ақпарат алу үшін Facebook, Instagram желілері мен Telegram каналымызға жазылыңыз!