Израиль Газа секторында атысты тоқтатты. Келісім 19 қаңтарда 11:15-те күшіне енді. Бұл туралы Stan.kz ақпарат агенттігі хабарлайды.
Израиль премьер-министрі Биньямин Нетаньяхудың кеңсесі 19 қаңтарда босатылуы тиіс кепілге алынғандардың тізімін алғаннан кейін атыс тоқтатылғанын растады.
«Кепілге алынғандарды босату туралы келісімге сәйкес, Газа секторындағы атысты тоқтатудың бірінші кезеңі жергілікті уақыт бойынша сағат 11:15-те күшіне енеді», – делінген хабарламада.
Еске салсақ, бұған дейін ХАМАС Израильдің соғысты тоқтату жайлы келісімшартын қабылдаған еді.
Жылдам ақпарат алу үшін Facebook, Instagram желілері мен Telegram каналымызға жазылыңыз!