Кеше облыс әкімі Нұрлыбек Нәлібаев қытайлық KCT компаниясы өкілдері Тан Хонгвей, Янь Тао, Ван Цээмен кездесті. Кездесуде газоблок немесе фиброцемент, әк зауыттарын ашу мәселесі талқыланды.
Нұрлыбек Машбекұлы облыс әкімдігі зауыттарды орналастыратын жер телімдерін беруге, инженерлік инфрақұрылым жеткізіп, жан-жақты логистикалық қолдау көрсетуге дайын екендігін айтты. Мемлекет басшысының экономикаға отандық және шетелдік инвестиция тарту тапсырмасына сәйкес ҚР Сыртқы істер министрлігі, «Kazakh Invest» ҰК» АҚ мен Қазақстанның шетелдердегі елшіліктерінің қолдауымен өңірге инвестиция тарту мақсатында іссапарлар мен іс-шаралар ұйымдастырылуда. Өткен жылы бірқатар маңызды жоба қолға алынды. Қытай Халық Республикасында өткен ІІІ Қазақстан-Қытай өңіраралық ынтымақтастық форумы аясында кірпіш зауытын салу туралы келісімге қол жеткізілді. Нәтижесінде құны 5 млрд. теңгені құрайтын, қуаттылығы 90 млн. дана кірпіш өндіретін зауыт құрылысы жүргізілуде. Зауыт 70 адамды жұмыспен қамтиды, мамыр айында іске қосылады деп жоспарланған.
Сонымен қатар, облыс делегациясының Испанияға іссапары кезінде испандық компаниямен келіссөз жүргізіліп, санфаянс өндірісін орналастыру жұмыстары басталды. Жоба құны шамамен 70 млн. АҚШ доллары. Биыл компания өкілдері облысқа жұмыс сапарымен келіп, қажетті шикізат және инфрақұрылым жеткізуші мекеме басшыларымен кездесті. Бірлескен жұмыс қорытындысында компания басшылары ҚР Премьер-министрі Олжас Бектеновпен кездесіп, өндіріс орнын Қызылорда облысында ашу мәселесі талқыланды.
Мұнан бөлек, биыл кореялық «With You E&C» компаниясы өкілдерімен қатты тұрмыстық қалдықты сұрыптау және қайта өңдеу зауытының II кезеңі – «Қоқысты өртеу арқылы электр энергиясын өндіру зауытының» құрылысы бойынша үшжақты меморандумға қол қойылды. Құны 25 млрд. теңге болатын бұл зауытта қоқысты өртеу арқылы 20 МВт-қа дейін электр энергиясы өндіріледі.
@Қызылорда облысы әкімінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!