Қорғаныс министрлігі 2025 жылы қанша қазақстандық әскери дайындыққа шақырылатынын мәлімдеді. Бұл туралы Stan.kz ақпарат агенттігі хабарлайды.
Қорғаныс министрі 2025 жылы 20 наурыздағы № 301 бұйрыққа қол қойды.
«2025 жылы 3000 мерзімді әскери қызметкер әскери дайындыққа шақырылады», – делінген бұйрықта.
Әскери дайындық – әскери қызметкерлер мен азаматтардың әскери білімін алу және жетілдіру мақсатында, Қазақстан заңдарында көзделген өзге де жағдайларда әскери басқару органдары мен әскери дайындық жөніндегі уәкілетті мемлекеттік органдар өткізетін іс-шара.
Әскери дайындықтың негізгі мақсаты бейбіт уақытта қысқартылған құрамда ұсталатын әскери бөлімдердің жауынгерлік және жұмылдыру дайындығын арттыру.
Бұл әскери оқу-жаттығу жиындары 2007 жылдан бері жыл сайын өткізіліп келеді. Ол 30 күнге дейін созылады.
“Әскери міндеттілердің әскери дайындықтан өту кезеңінде жұмыс орны мен атқаратын лауазымы сақталады. Оларға орташа жалақы, ал жұмыс істемейтіндерге мемлекет есебінен ең төменгі жалақы төленеді. Әскери қызметкерлерді оқу-жаттығу жиындарына әкелу және кері қайтару жұмыстары теміржол немесе автомобиль көлігімен жүзеге асырылады. Ал олардың тамақтануы Қорғаныс министрлігінің қаражаты есебінен қамтамасыз етіледі”, – делінген хабарламада.
Жылдам ақпарат алу үшін Facebook, Instagram желілері мен Telegram каналымызға жазылыңыз!