Қасым-Жомарт Тоқаев Костенко атындағы шахтадағы апаттан кейін Қарағанды облысына келді. Бұл туралы Stan.kz ақпарат агенттігі хабарлайды.
“Мемлекет басшысы Қасым-Жомарт Тоқаев апаттың мән-жайын анықтап, тиісті шешім қабылдау үшін Қарағанды облысындағы қайғылы оқиға орын алған жерге келді”, – делінген Ақорда мәлімдемесінде.
Соңғы мәліметтерге сәйкес шахтада әлі 25 кенші табылмады. Сондай-ақ “АрселорМиттал Теміртау” АҚ зардап шеккендерге толыққанды көмек көрсетілетінін мәлімдеді.
Еске салайық, Костенко атындағы шахтада жарылыстан көз жұмғандар саны 21 адамға жетті. Апаттан кейін президент Қасым-Жомарт Тоқаев үкіметке «АрселорМитталТеміртау» компаниясымен инвестициялық ынтымақтастықты тоқтату тапсырған еді.
Жылдам ақпарат алу үшін Facebook, Instagram желілері мен Telegram каналымызға жазылыңыз!