Түркістан облысының туризм басқармасы BBC World News-ке видео дайындап, орналастыру үшін 63,4 миллион теңге төлеген. Бұл туралы ProTenge Telegram-арнасы хабарлайды.
ProTenge мәліметінше BBC World News арнасы 30 секундтық видеоны Еуропа, Таяу Шығыс пен Орталық Азияда екі апта көрсетуі керек болған.
«Сонымен қатар баннерді ВВС-дің барлық сайттарында орналастыруы керек. Келісімшарт Түркістан облысының туризм басқармасы мен «Open Turkistan» туристік ақпараттық орталығы арасында жасалған», – деп мәлімдеді сарапшылар.
Бейнеролик «турзимді дамытуда жоғары көрсеткішке жету» үшін дайындалған екен.
«Бізде келесі сұрақ туындайды: туризм басқармасы өздері қалаған көрсеткішке жете алды ма?» – деп жазды Telegram-арнаның өкілдері.
Жылдам ақпарат алу үшін Facebook, Instagram желілері мен Telegram каналымызға жазылыңыз!