Павлодарда бұрынғы экономика министрі Қуандық Бишімбаевтың жары Салтанат Нүкенованы жерлеу рәсімі өтті. Бұл туралы “Время” басылымы хабарлайды.
Бұған дейін экс-министр әйелін ұрып өлтірді деген күдікпен қамауға алынғаны хабарланған болатын.
Марқұмды жерлеуге туған-туыстары, құрбылары, қала тұрғындары қатысты. Салтанат – Павлодар қаласының бұрынғы әкімі Қайрат Нүкеновтың жиені, сондай-ақ облыстық және қалалық әкімдіктің бұрынғы және қазіргі шенеуніктері де келді. Олардың бәрі Салтанатты соңғы сапарына шығарып салды.
Соңғы уақытта әлеуметтік желілерде Салтанаттың жүкті болған туралы қауесет тарап жүр. Марқұмның құрбылары бұл ақпаратты теріске шығарды.
“Ол балалы болғысы келді, бірақ жүкті бола алмады. Бала күйеуінің оған деген көзқарасын өзгерте алады деп ойлады. Күйеуі қатты қызғанатын”, – деді құрбыларының бірі.
Сондай-ақ, марқұмның күйеуін алдап, басқа адаммен бірге өмір сүргені туралы да әңгіме тараған болатын. Құрбылары бұл қауесеттің де жалған екенін айтты.
«Бұл оның алғашқы некесі еді. Қуандық Instagram-да Салтанаттың астролог маманы екенін көріп, оған кеңес алуға жазылған. Осыдан кейін Салтанаттың артынан қалмады. Бастапқыда құрбымыз онымен кездескісі келмеді, бірақ ол қамқор болды, ақыр соңында қыз берілді. Содан кейін Салтанаттың өзі де ғашық болып қалды», – деді сұхбаттасушы.
Достарының айтуынша, жастар танысқаннан кейін үш айдан кейін үйлену тойын жасаған. Содан кейін ұрып-соғу басталған
“Қуандық Салтанатқа қол көтерді. Ол кетіп, пәтер жалдады. Бірақ Қуандық оны тауып алып, кешірім сұрады, оны жақсы көретінін айтты және Салтанат бәрін кешірді.
Қайғылы оқиғадан біраз күн бұрын мен ортақ құрбыларымыздың біріне бірнәрсе істеу керек екенін айттым. Ал арада көп өтпей, сол құрбым хабарласып: “Қуандық Салтанатты ұрып өлтірді”, деп айтты. Өзіңді соншалықты жақсы көретін және барлық қателігіңді кешірген адамды қалай қызғануға болады”, – деді марқұмның құрбысы.
Жылдам ақпарат алу үшін Facebook, Instagram желілері мен Telegram каналымызға жазылыңыз!