Қарағандыдағы сауда орталықтарының бірінде 3 жасар баланың қолы эскалаторға қысылып қалды. Құтқарушылар көмекке келіп, баланың қолын босатып алған, деп хабарлайды ekaraganda.kz басылымы.
Басылымның жазуынша, Қарағанды облысының Төтенше жағдайлар департаменті құтқарушыларға қоңырау сағат 11.48-де келіп түскенін хабарлады. 2020 жылы туған баланың қолы эскалаторға қысылып қалғаны белгілі болды.
«Оқиға Global City сауда-ойын-сауық орталығының бірінші қабатында болды. Құтқарушылар баланың қолын босату үшін тесетін құралды пайдаланып, оны құтқарып қалды. Зардап шеккен бала медициналық бригадаға тапсырылды», – деп хабарлады ведомстводан.
Еске сала кетейік, бұған дейін Көкшетаудағы сауда орталықтарының бірінде эскалатормен түсіп бара жатқан әйелдің аяғы қысылып қалып, бес башпайынан айырылғанын жазған едік.
Ақпарат көзі: kaz.nur.kz
Жылдам ақпарат алу үшін Facebook, Instagram желілері мен Telegram каналымызға жазылыңыз!