Сурет:Нұрболат Нұржаубай
Ақтөбе облысы Ырғыз ауданында жол апатынан екі оқушы мен бір мұғалім көз жұмды, – деп хабарлайды Massaget.kz .
Қайғылы оқиға Самар-Шымкент тасжолының бойында, Қызылжар ауылының тұсында болған. Апатқа ұшыраған Toyota Alphard көлігінің ішінде 7 адам болған. Оның бесеуі – оқушы. Олар Жаныс би ауылынан Ырғызға олимпиадаға қатысу үшін бара жатқан.
«Алдына ала мәлімет бойынша және куәгерлердің айтуынша, апат салдарынан үш адам қаза болған. Оның екеуі – оқушы, біреуі – педагог. Олар республикалық олимпиаданың аудандық кезеңіне қатысу үшін жеке көлікпен шыққан. Басқарма тарапынан қатысушылардың өмір қауіпсіздігін қамтамасыз ету жөнінде бұйрық болды», – деді облыстық білім басқармасының басшысы Жайық Сұлтан.
Жылдам ақпарат алу үшін Facebook, Instagram желілері мен Telegram каналымызға жазылыңыз!