Бүгін Сыр өңірінің тұрғындары үшін әдеттегі жексенбі емес. Себебі демалыс таңы сайлау науқанымен басталды. Жергілікті жұрт жаңадан 3 әкімді сайлайды.
Атап айтқанда Қызылорда қаласындағы Қарауылтөбе ауылдық округі, Жалағаш ауданындағы Мәдениет ауылдық округі мен Сырдария ауданындағы Шаған ауылдық округі.
Учаскелік комиссия мүшелері таңғы сағат 07.00-де жұмысын бастап, тізімге енген сайлаушыларға бюллетень беруде.
Ауылдық округ әкімдеріне дауыс беруге ниетті сайлаушылардың қатарында науқанға отбасымен бірге келгендердің үлесі басым. Олар учаскелік сайлау комиссиясында дауыс беріп болғаннан кейін пазл бейнесіндегі болашақтың фотомозайкасында естелік суретке түсті.
– Әрбір ата-ана балалары үшін өмір сүреді. Ал, балалар – келешегіміз. Осы ауылды көркейтемін деп талаптанған адамға дұрыс таңдау жасау – біздің міндетіміз деп есептеймін. Сондықтан осы ауылдың тұрғыны ретінде дұрыс таңдау жасадым деп ойлаймын,-дейді сайлаушы.
Айта кетейік, 3 округте 50 сайлаушы үйден дауыс беруге өтініш қалдырды.
Жылдам ақпарат алу үшін Facebook, Instagram желілері мен Telegram каналымызға жазылыңыз!