Құқық саласындағы білім мен ғылым ның ұйытқысы болған Заң факультетінің негізі 1955 жылы қаланды. Содан бері жетпіс жыл ішінде факультет көптеген өзгерістер мен жетістіктерді бастан өткеріп, Қазақстандағы жетекші құқықтану орталықтарының біріне айналды.
Дәстүр мен беделдің символы
Заң факультеті өз тарихында құқық саласындағы білікті мамандарды даярлап, еліміздің құқықтық жүйесінің қалыптасуына елеулі үлес қосты. Бүгінде факультет «Құқықтану», «Кеден ісі» және «Құқық қорғау қызметі» білім беру бағдарламалары бойынша студенттерге жоғары сапалы білім беруді жалғастырып келеді. Оқу үдерісі орта және жоғары білім негізінде жүргізіліп, түлектерге магистратура мен PhD докторантураға түсу мүмкіндігі қарастырылған.
Ғылыми әлеуеті жоғары факультет
Факультеттің академиялық әлеуеті Қазақстандағы ең мықтылардың бірі. Мұнда 15 ҚР Ұлттық Заң Академиясының академигі, 30-ға жуық докторлар мен профессорлар, 70-тен аса ғылым кандидаттары, 30 PhD докторлар қызмет етеді. Сондай-ақ, дәрістерді ҚР Парламенті, Үкіметі, Президент Әкімшілігі, Конституциялық Сот, Жоғарғы Сот және құқық қорғау органдарының тәжірибелі мамандары жүргізеді. Бұл студенттерге құқықтың теориялық негіздерін меңгерумен қатар, оның практикалық қырларын үйренуге мүмкіндік береді.
Факультет ғалымдары мемлекет пен құқықтың өзекті мәселелері бойынша маңызды зерттеулер жүргізіп, халықаралық ғылыми жобаларға белсенді түрде қатысады. Олардың көпшілігі АҚШ, Еуропа, Түркия және басқа да елдерде тағылымдамадан өтіп, заманауи құқықтық жүйелердің озық тәжірибелерін меңгерген.
Халықаралық байланыстар және ғылымижетістіктер
Заң факультеті Қазақстанның ғана емес, әлемдік ғылыми қауымдастықтың ажырамас бөлігіне айналды. Ол жыл сайын құқық саласындағы республикалық және халықаралық конференцияларды ұйымдастырып, студенттер мен жас ғалымдардың ғылыми ізденістерін қолдайды.
Сондай-ақ, факультет жыл сайын Қазақстан студенттері арасында республикалық құқықтық олимпиада өткізіп, талантты жастарды анықтап, олардың білімі мен дағдыларын дамытуға ерекше мән береді.
Болашаққа бағдар
70 жылдық тарихы бар Заң факультеті бүгінгі таңда құқықтану саласының ең күрделі ғылыми-тәжірибелік мәселелерін шешуге қабілетті білім ордасы ретінде дамуын жалғастыруда. Факультет түлектері бүгінде елдің заңнамалық және құқықтық жүйесінің әртүрлі салаларында қызмет етіп, Қазақстанның құқықтық мемлекетін қалыптастыруға өз үлестерін қосуда.
Болашақта да Заң факультеті өзінің даңқты дәстүрлерін сақтай отырып, жаңа белестерді бағындыруға, құқықтық білім мен ғылымды одан әрі дамытуға күш салатыны сөзсіз. Қазақстанның заң ғылымындағы жетекші орталық ретінде факультет өз миссиясын абыроймен атқара береді.
КАРЛЫГАШ УСЕИНОВА РАХИМЖАНОВНА,
Мемлекет және құқық теориясы мен тарихы, конституциялық және әкімшілік құқық кафедрасы
Кафедра меңгерушісі, з.ғ.к., доцент.
Дінмұхамед Мейрханов Әмірханұлы, 2 курс магистранты,
Әл-Фараби атындағы Қазақ ұлттық университеті
Заң факультеті
Жылдам ақпарат алу үшін Facebook, Instagram желілері мен Telegram каналымызға жазылыңыз!