Оқу-ағарту министрлігі Балалардың құқықтарын қорғау комитеті балалардың жаппай улануына қатысты түсініктеме берген.
Жамбыл облысы білім басқармасының ақпаратына сәйкес 2023 жылғы 7 қарашада Байзақ аудандық орталық ауруханасына Н.Киікбаев атындағы орта мектептің 44 оқушысы мен 2 мұғалімі улану белгілерімен түскен, – деді комитет.
Тексеруден кейін 11 оқушы үйлеріне оралды, 2 мұғалім мен 33 оқушы медициналық көмек алуда. Балалардың жағдайы қалыпты.
Осы факті бойынша Балалардың құқықтарын қорғау комитеті, санитарлық-эпидемиологиялық қадағалау, Денсаулық сақтау басқармасы өкілдерінен тұратын арнайы жедел штаб құрылды.
Қазіргі таңда мәселенің мән-жайы анықталуда.
Ақпарат көзі: baq.kz
Жылдам ақпарат алу үшін Facebook, Instagram желілері мен Telegram каналымызға жазылыңыз!