Балаға білім мен тәрбие беретін басты тұлға – ол ұстаз, ал оны жалғастырушы ата-ана. Осы мақсатта бүгін «баланың басты ұстазы ата-ана» тақырыбында Талсуат ауылындағы №178 мектебінің 3«ә» сыныбында ата-аналарға арналған тренинг өтті. Тренингті сынып жетекшісі Айтбаева Айгерім Анарбайқызы жүргізді.
Алдымен ата–аналарға тренингтің мақсатын түсіндірді.
– Отбасындағы тәрбие, яғни баланың жеке тұлға болып қалыптасуына, саналы ұрпақ болып өсуі мен білім алуына және өмірде өз орнын табуына – тікелей ата-ана жауапты. Сондықтан баланың бойына жастайынан ізгілік пен мейірімділік және адамгершілік секілді құнды қасиеттерді сіңіріп, өз-өзіне сенімділікке тәрбиелеу үшін отбасымен бірге ұстаз бірлесе жұмыс жасауы керек – деді Айгерім Анарбайқызы.
Тренинг барысында ата-аналар топқа бөлініп, түрлі жаттығу жасады.
Осындай жиналыстың жиі болуын ұсынған ата-ана тренингтан алған әсерін айтты.
-Тренингтің ең қызықты сәті өз балаларымыздың көзі мен тілек жазылған бес саусағын табу. Алайда барлық балалардың жазуы бір-біріне ұқсайтындықтан табу қиынға соқты, – деді ата -ана Данагүл Жеңісқызы.
Жиынға келген қатысушылар тренинг өткізген ұстазға алғысын білдірді.
Жылдам ақпарат алу үшін Facebook, Instagram желілері мен Telegram каналымызға жазылыңыз!