«Қазақстан ұстазы» медалінің иегері, қоғамдық және ардагерлер кеңесінің мүшесі Назира Жаппарова Әбубәкір Тыныбаев атындағы № 11 мектеп-лицейінің сексен жылдық мерейтойына арнап, заман талабына сай жаңа кабинет жасақтап берді.
Жиын барысында ұлағатты ұстаз Назира Парамұрзақызының өнегелі өмір жолын бейнелейтін бейнеролик көрсетілді. Мұнан соң №11 мектеп-лицей директоры Гүлмира Сүлейменова ардагер -ұстазға алғыс білдіріп, сый-сияпат жасады.
Салтанатты шара аясында Назира Жаппарова атындағы «Digital Оқушы: «Жаратылыстану пәндеріндегі оқушылардың ғылыми-практикалық зерттеу жұмыстары » атты география, химия, биология пәндерінің аймақтық сайысы өткізілді. Сайысқа аймақ мектептерінен 40 оқушы қатысты. Білім бәйгесіне қатысқан барлық оқушылар мен жетекші ұстаздар марапатталды.
Г. АСҚАРҚЫЗЫ
Жылдам ақпарат алу үшін Facebook, Instagram желілері мен Telegram каналымызға жазылыңыз!