Мектеп асханаларында тамақтан құрт пен тарақан шыққан. Бұл Павлодардағы мектептердің асханасында орын алған. Мұндай мәселеден кейін арызданушылар тарапынан шағым түскендіктен, асхананы жалға алған 5 кәсіпкерге 1 миллион теңге шамасында айыппұл салынды, – деп хабарлайды Massaget.kz .
Айта кететін жайт, бұл жағдай бірінші рет емес екен. Айыпталған азаматтар бұған дейін де бірнеше рет санитарлық талапты бұзған. Қазір өңірде ведомствоаралық сараптамалық топ жасақталып, 16 мектеп тексеріліп жатыр. Сондай-ақ тамақты сапасыз дайындаған кәсіпкерлермен қоса, білім ошақтарының басшылары да жауапкершілік арқаламақ.
«Білім беру бөлімі мен 4 мектеп директорына тәртіптік жаза қолданылды. Негізгі мақсат – айыппұл салу емес. Түсіндірме жұмыстарын жүргізу», – деді қалалық білім беру бөлімінің басшысы Қуаныш Қыдыралин.
Жылдам ақпарат алу үшін Facebook, Instagram желілері мен Telegram каналымызға жазылыңыз!