Білім және ғылым министрі Асхат Аймағамбетов білім күнінде Қосшыдағы №2 орта мектепке барды, деп хабарлайды Спутник Жаңалықтары.
Ақмола облысы білім басқармасының хабарлауынша, биыл №2 мектепте бірінші сыныпқа 700 оқушы қабылданды. Соған байланысты мектеп табалдырығын жаңадан аттаған балаларға арнап «Ы» сыныбына дейін ашылды.
![Қосшы мектебінде 1 Ы сыныбы ашылды Қосшы мектебінде 1 Ы сыныбы ашылды](https://sputnik.kz/images/07e5/09/01/18006623.jpg)
Ал Қазақстан бойынша бірінші сыныпқа 394 мыңға жуық бала барды.
Ақмола облысындағы бұл мектепте төрт мыңға жуық бала білім алады. Алайда мектеп бір ауысымда 1 200 баланы оқытуға жобаланған. Жергілікті мұғалімдер 2019 жылы мемлекет басшысы Қасым-Жомарт Тоқаевтың алдында Қосшы мектептеріндегі орын тапшылығы мәселесін көтерген болатын.
Айта кетері, биыл Нұр-Сұлтаннан 20 шақырым жерде орналасқан Қосшы ауылы облыстық маңызы бар қалаға айналды.
Жылдам ақпарат алу үшін Facebook, Instagram желілері мен Telegram каналымызға жазылыңыз!