Қорқыт ата атындағы Қызылорда университетінің студенттері республикалық пәндік олимпиадалардан жүлделі оралды.
С.Аманжолов атындағы ШҚУ университетінде 6В01202–Мектепке дейінгі оқыту және тәрбиелеу бағыты бойынша «Мектепке дейінгі білім беру тәжірибесіндегі жаңа талаптар мен жетістіктер» атты ХVI республикалық пәндік олимпиадасында Қорқыт ата атындағы Қызылорда университетінің білім алушылары жеңіс тұғырынан көрінді.
Сайысқа Қорқыт ата атындағы Қызылорда университетінің студенттері Сауле Нурымбетова, Ұлдана Орынбасарова, Жансая Ұланқызы, Дильназ Еркінқызы қатысты. Команданың ғылыми жетекшісі – магистр, аға оқытушы Гүлнұр Нақыпова.
Айта кетейік, 2025 жылы аталған білім беру бағдарламасы бойынша Қорқыт ата атындағы Қызылорда университеті пәндік олимпиаданы өткізу мәртебесіне ие болды.
Ал Сәрсен Аманжолов атындағы ШҚУ университетінде өткен 6В013 – Бастауыш оқыту педогогикасы мен бастауыш БББ бойынша «Болашақ табысты ұстаз – ұлт кепілі» атты ХV республикалық пәндік олимпиадасында университет жастары ІІ орыннан көрінді.
Сайысқа Қорқыт ата атындағы Қызылорда университетінің студенттері Арайлым Сәбитқызы, Тоқжан Сейіт, Айгүл Мұрат және Дариға Бекайдарова қатысып, университет намысын қорғады. Команданың ғылыми жетекшісі – магистр, аға оқытушы Айнагүл Абуова.
Бұдан бөлек, Семей қаласының Шәкәрім атындағы университетінде «Информатика мұғалімдерін даярлау» білім беру бағдарламалары бойынша республикалық пәндік олимпиадада университет студенттері Ерасыл Турусбек пен Ахматжон Барзуев ІІ орын иеленді. Команданың жетекшісі – педагогика ғылымдарының кандидаты, қауымдастырылған профессор Сарсенкул Шайкамалқызы.
Айта кетейік, олимпиаданың мақсаты – жоғары оқу орындары арасында білім беру сапасын арттыру, студенттердің ғылыми – теориялық білімін және практикалық қабілеттерін дамыту.
Жылдам ақпарат алу үшін Facebook, Instagram желілері мен Telegram каналымызға жазылыңыз!