Қызылорда қаласындағы Назарбаев Зияткерлік мектебінің «Самға» би тобы «Dance battle» республикалық шығармашылық байқауында бірінші орынды иеленді.
Аталмыш өнер сайысына Атырау, Ақтау, Түркістан, Шымкент қалаларынан барлығы 80-ге жуық шығармашылық топтар қатысты. Өнерпаздар әртүрлі жас ерекшелікте халық, қазақ және заманауи би жанрында өнер көрсетті. Қызылордалық өрендер қазақ биі «Жастық шаттығы» композициясын шебер сомдап, жоғары хореографиялық қабілеттерімен ерекшеленді.
«Бұл би арқылы оқушыларымыз халқымыздың салт-дәстүрлерін, мәдениетін көрсетіп, жігіттердің рухты қайсар мінезін сипаттады», – дейді топ жетекшісі Жұлдызай Мәуленова.
Жылдам ақпарат алу үшін Facebook, Instagram желілері мен Telegram каналымызға жазылыңыз!