Ел президенті Қасым-Жомарт Тоқаев 2025 жыл – жұмысшы мамандығы жылы деп атап көрсетті. Техникалық және кәсіптік білім ұйымдарында реформа жүргізу және құзіретті маман даярлауды дамыту қажеттігін айтты. Осы орайда 29 қаңтар күні И.Әбдікәрімов атындағы Қызылорда аграрлық техникалық жоғары колледжінде жұмысшы мамандығының шеберлігін көрсететін Worldskills Kazakhstan ұлттық чемпионатының колледжішілік байқауының ашылу рәсімі өтті.
Байқаудың мақсаты жастардың кәсібидағдыларын дамыту, мамандықтар бойыншажоғары деңгейде білім мен тәжірибе алуға ықпал ету, сондай-ақ әлемдік еңбек нарығына дайын мамандарды даярлау болып табылады.
Байқауды колледж директоры, техника ғылымдарының кандидаты, профессор Абайбек Жүнісов ашты. Worldskills чемпионатының колледжішілік кезеңі білім саласындағы үздік жастарды анықтайтын маңызды алаңға айналып отырғанын атап көрсетті. Қызылорда облысының білім басқармасы, Қызылорда облыстық оқу орталығы (әдістемелік кабинет) кәсіптік білім беру бөлімінің әдіскері Ұлан Жетібайұлы Worldskills байқауының облысымызда өткізілуіне жауапты мамандардың бірі ретінде, чемпионатқа қатысу арқылы студенттер өз кәсіби шеберлігін паш етіп, білімдері мен тәжірибелерін жоғары бағалауға мүмкіндік алатындығын және жеңімпаздар халықаралық байқауларға жолдама алатынын айтты. Әлеуметтік серіктес Нұрлытау мекемесінің өкілі, 6-дәрежелі дәнекерлеушісі Ғазиза Рысқұлова студенттерімізге сәттілік тіледі.
Колледжішілік байқауда:
1.Инженерлік графика CAD
2.Желілік және жүйелік әкімшілендіру
3.Электромонтаждық жұмыстар
4.Дәнекерлеу технологиялары
5.Жеңіл автомобильдерге техникалық қызмет көрсету құзіреттілігі бойынша барлығы 25 студент қатысты.
Студенттердің жұмыстарын бағалауға әлеуметтік серіктес мекемелерден сарапшылар келді.
Жылдам ақпарат алу үшін Facebook, Instagram желілері мен Telegram каналымызға жазылыңыз!