Аймақта коронавирус инфекциясының таралу дерегі бойынша соңғы тәулікте 25 жағдай тіркелді. Оның 19-ы вирус симптомымен, 6-уы симптомсыз анықталған.
Вирус жұқтыру дерегі бойынша қалада – 20 адам, Арал ауданы – 1, Шиелі – 2, Сырдария – 1 адам тіркелген.
Облыстық санитарлық-эпидемиологиялық бақылау департаментінің мәліметіне сүйенсек, инфекцияның таралуының алдын алуда 500 мыңнан астам қызылордалық вакцинаның І және ІІ компонентін салдырса, 227 мыңнан астам тұрғын ревакцинациядан өткен.
Соңғы тәулікте вирусты жұқтыру дерегі азайған. Десе де бейқам жүруге де болмайды. Мамандар вакцинация мен ревакцинация жасатуда дұрыс таңдау жасау керегін айтады. Сондай-ақ балаларды абайлау керегін ескертеді. Соңғы көрсеткіштің 13 жағдайы балалар арасында болып отыр.
Жылдам ақпарат алу үшін Facebook, Instagram желілері мен Telegram каналымызға жазылыңыз!