Аймақта коронавирус жұқтыру дерегімен соңғы тәулікте 42 науқас тіркелген. Оның 26-сы симптомды жағдайда анықталған.
Вирус жұқтырушылардың басым бөлігі қызылордалықтар. Қала бойынша 32 адам анықталған. Ал Арал, Қармақшы, Сырдария, Шиелі ауданында – 1, Жалағашта – 2, Жаңақорғанда – 4 жағдай тіркелген.
Облыстық санитарлық-эпидемиологиялық бақылау департаменті мамандарының сөзінше, соңғы тәулікте вирус жұқтырғандардың 10-ы балалар екен. Сондай-ақ апта басында еліміздегі коронавирусты бағалау матрицасы өңірдің «сары аймаққа» жақын тұрғанын көрсеткен. Мамандар бұл көрсеткіш қазіргі таңда біршама азайғанын айтады. Бұл белгі бойынша облыс «жасыл аймақта».
Жылдам ақпарат алу үшін Facebook, Instagram желілері мен Telegram каналымызға жазылыңыз!