Прокурорлар тексеру барысында медициналық қызмет көрсетпеу және жарамды мерзімі өтіп кеткен дәрілік заттарды сақтау фактілерін анықтаған. Бұл туралы Stan.kz ақпарат агенттігі хабарлайды.
Осылайша, прокурорлар 2022 жылдан бері Қарағанды мектептерінде 3 мыңға жуық оқушыға медициналық көмек көрсетілмегенін айғақтаған.
Мектептердің бірінің медициналық кабинетінде “Преднизолон” жарамды мерзімі өтіп кеткен ампулаларда сақталған. Бұл дәрі аллергиялық және шок реакцияларының ауыр түрлерінде шұғыл емдеудің бөлігі ретінде қолданылады.
Өңірдегі өзге мектептерде жарамды мерзімі 5-7 жылға өтіп кеткен дәрілер табылған.
“Қадағалау шаралары арқылы мерзімі өтіп кеткен дәрі-дәрмек жойылып, жеке тұлғалар жауапқа тартылып, 7 мың баланың құқығы қорғалды”, – делінген прокуратураның мәлімдемесінде.
Жылдам ақпарат алу үшін Facebook, Instagram желілері мен Telegram каналымызға жазылыңыз!