Конго қырым қанды безгегі (КҚҚБ) – вирус арқылы тарайтын қауіпті ауру. Бұл аурудың қоздырғышы – тау сілемдерінде кездесетін кенелер арқылы адамдарға жұғады. Ауру көбіне ауылдық аймақтарда, фермерлер мен мал бағып жүрген адамдарда жиі кездеседі, бірақ қалада да қауіп жоқ деп айтуға болмайды.
Аурудың белгілері
Конго қырым қанды безгегі кенеден немесе жұқтырған жануардан (қой, сиыр, ешкі) өткен кезде пайда болады. Аурудың белгілері бірнеше күннен кейін басталады:
• Қатты дене қызуы, 38–40°C дейін көтерілуі
• Бас ауруы, бұлшықет ауыруы
• Қол мен аяқтарда әлсіздік, шаршау
• Іштің ауруы, жүрек айну, құсу
• Кейбір жағдайда теріде қышыма мен қан кету белгілері пайда болуы мүмкін.
КҚҚБ өте қауіпті: ауру жеңіл өтуі мүмкін, бірақ кейде ауыр асқынуларға әкеліп, қан кету мен ағзаның қызметінің бұзылуына себеп болады. Сондықтан науқастанған адамды дәрігерге шұғыл жеткізу өте маңызды.
Алдын алу шаралары:
1. Кенеден қорғану: ашық ауада жұмыс істегенде ұзын жең киім киіп, репеллент қолдану.
2. Жануармен байланыс кезінде сақ болу: мал сою немесе өңдеу кезінде қолғап пен қорғаныш құралдарын пайдалану.
3. Тазалық сақтау.
4. Дезинфекция: мал қораны таза ұстау, кенелерді уақытылы жою.
Конго қырым қанды безгегі – қауіпті және тез тарайтын ауру. Бірақ алдын алу шараларын сақтап, белгілерін уақытында анықтаса, қауіпті азайтуға болады. Денсаулыққа сақ болайық, қауіптен хабардар болайық!
Нұрғали Молдабеков,
№3 емхананың аға фельдшері
Жылдам ақпарат алу үшін Facebook, Instagram желілері мен Telegram каналымызға жазылыңыз!