8 Наурыз – халықаралық әйелдер мерекесіне де санаулы күндер қалды. Мерекеге арнап нәзік жандыларға сый құрмет көрсетіледі. Ең көп табысталатын сыйлфқтардың бірі парфюмерлік-косметикалық бұйымдар екені белгілі.
Ең алдымен өнімді таңдағанда, тауардың қаптамасының сыртын зерттеңіз. Тауардың қаптамасы күдік тудырмауы керек. Қаптамадағы әріптер анық және оңай оқылатын болуы тиіс. Кеден одағының «Парфюмерлік-косметикалық өнімнің қауіпсіздігі туралы» техникалық регламентінің талаптарына сәйкес парфюмерлік-косметикалық өнімнің таңбалануы мынадай ақпаратты қамтуы тиіс:
- парфюмерлік-косметикалық өнімнің атауы;
- дайындаушының атауы және оның орналасқан жері;
- парфюмерлік-косметикалық өнімнің шыққан елі;
- егер дайындаушы КО – ға мүше мемлекеттің аумағында талаптарды өзі қабылдамаса, дайындаушы тұтынушыдан шағымдарды қабылдауға уәкілеттік берген ұйымның атауы және орналасқан жері;
- тұтыну ыдысындағы өнімнің номиналды саны, салмағы;
- жарамдылық мерзімі;
- өнімді қолдану кезінде ерекше сақтық шаралары, оның ішінде ескертулер туралы ақпарат;
-парфюмерлік-косметикалық өнімдер партиясын сәйкестендіруге мүмкіндік беретін партия нөмірі немесе арнайы код; - орыс тілінде немесе латын әліпбиінің әріптерін қолдана отырып, косметикалық ингредиенттердің халықаралық номенклатурасына сәйкес ұсынылуы мүмкін ингредиенттер тізімі көрсетілуі керек.
Сатушыда тауардың сапасын растайтын құжаттардың бар-жоғын нақтылаңыз.
Парфюмерлік-косметикалық өнім Кеден одағының «Парфюмерлік-косметикалық өнімнің қауіпсіздігі туралы» техникалық регламентінің талаптарына сәйкес келуі тиіс, себебі бұл құжат адамның өмірі мен денсаулығын қорғау мақсатында өнімге, яғни оның құрамына, физика-химиялық, микробиологиялық, токсикологиялық көрсеткіштеріне, улы элементтердің құрамына қойылатын талаптарды реттейді.
Тек регламент талаптарына сәйкес келетін өнім кеден одағына мүше мемлекеттердің нарығында өнім айналымының бірыңғай белгісімен таңбаланады. Сонымен қатар парфюмерлік-косметикалық өнімнің сапасы мен қауіпсіздігінің талаптарға сәйкестігі мемлекеттік тіркеу туралы куәлікпен расталады. Аталған өнімді тек арнайы рұқсат етілген сауда орындарынан алуға кеңес береміз.
Ерлан Ұзақбаев – Қызылорда облысының СЭБД басшы орынбасары
Жылдам ақпарат алу үшін Facebook, Instagram желілері мен Telegram каналымызға жазылыңыз!