2023 жыл басынан бері Қызылорда облысында лабораториялық зерттеу нәтижесімен нақтыланған қызылша ауруының 11314 жағдайы тіркелді. 1138 жағдай – 14 жасқа дейінгі балалар арасында анықталды. Қызылша індетіне шалдыққандардың басым бөлігі ауруға қарсы екпе алмаған, олардың саны жалпы сырқаттанушылықтың 80%-ын құрады. Қазақстан Республикасвы Үкіметімен бекітілген Ұлттық егу күнтізбесіне сәйкес қызылшаға қарсы екпе баланың 12-15 айлығында және 6 жасында салынады. Бүгінгі күні сырқаттанушылықтың өсуіне байланысты қосымша екпе науқаны енгізіліп отыр.
Аурудан сақтанудың басты жолы ретінде бүгінгі күні тиісті контингенттер арасында (6-10 ай 29 күндік, 2-4 жас және медициналық қызметкерлер) қосымша жаппай иммундау 6 қарашадан басталып, осы аталған контингенттер бойынша 28088 адам қызылшаға қарсы екпе алды. Иммундау шарасы әлі де жалғасып жатыр. Сондықтан Қызылорда облысының санитариялық-эпидемиологиялық бақылау департаменті баршаңызды, әсіресе ата-аналарды өз балаларын ауруға қарсы вакцинациялауға шақырады.
Әлия Әбдіқайымова
Қызылорда облысының санитариялық-эпидемиологиялық бақылау департаменті басшысының орынбасары
Жылдам ақпарат алу үшін Facebook, Instagram желілері мен Telegram каналымызға жазылыңыз!