Таңғы асқа ет немесе жұмыртқаны үнемі жеу олардың құрамындағы қаныққан майдың көп болуына байланысты жүрек-қан тамырлары ауруларының қаупін арттыруы мүмкін. Бұл туралы америкалық диетолог Шерри Коллинз ескертті, – деп хабарлайды Massaget.kz.
Дегенмен дәрігер жұмыртқа немесе етті таңғы асқа қалыпты, яғни сирек тұтыну денсаулыққа қауіп төндірмейтінін түсіндірді. Бұл тағамдарда ақуыз, темір және минералдар сияқты көптеген қоректік зат бар. Ал оларға деген шамадан тыс құмарлық қауіпті болуы мүмкін.
Диетологтың айтуынша, ақуызы жоғары тағамның құрамында ми мен бүкіл ағзаны энергиямен қамтамасыз ететін талшықтар, полифенолдар (жасушаларды зақымданудан қорғайтын өсімдік қосылыстары) және көмірсулар аз.
Сонымен қатар, ет пен жұмыртқа қаныққан майға бай, олардың артық мөлшері қандағы холестерин деңгейін жоғарылатуы мүмкін. Холестериннің жоғарылауы қан тамырларының серпімділігі мен қан ұйығыштарының төмендеуіне әкеп соқтыруы мүмкін. Бұл факторлар гипертония, инфаркт және инсульт сияқты жүрек-қан тамырлары ауруларының арандатушылары ретінде әрекет етеді.
Шерри Коллинз тәулігіне қаныққан майдан күнделікті калорияның 5-6 пайызын ғана тұтынуды ұсынды. Таңғы асқа ет немесе жұмыртқа жеу осы түрдегі күнделікті май қажеттілігінің шамамен 75 пайызын жабады. Салдарынан күні бойы қаныққан майы бар басқа тағамдарды жесеңіз, «шектен» асып кетуіңіз мүмкін
Жылдам ақпарат алу үшін Facebook, Instagram желілері мен Telegram каналымызға жазылыңыз!