Бастауыш мектеп-интернаттан өрт шығып, 17 оқушы қаза тапты. Оқиға Кенияның орталығындағы мектептердің бірінде орын алған. Бұл туралы Reuters агенттігі хабарлады.
– Өрт кезінде біз 17 оқушыны мерт болды, 14-і жарақат алды. Қазір оқиға орнында біздің топ жұмыс істеп жатыр, – деді ресми өкілдер.
Ел президенті Уильям Руто бұл жантүршігерлік оқиғаны жан-жақты тексеруді тиісті органдарға тапсыратынын және кінәлілердің жауапқа тартылатынын мәлімдеді.
Анықтама үшін, Кенияда соңғы жылдары бірнеше мектеп өрті болды. Атап айтқанда, 2001 жылы Найроби маңындағы Кянгули орта мектебінің жатақханасынан өрт шығып, 58 оқушы қаза тапқан. 2012 жылы Кенияның батысындағы Хома-Бэй округіндегі мектепте сегіз оқушы дәл осындай себеппен қаза болды.
2017 жылдың қыркүйегінде ел астанасы Найробиде мектеп өртеніп, тоғыз оқушы қаза тапқан болатын.
Жылдам ақпарат алу үшін Facebook, Instagram желілері мен Telegram каналымызға жазылыңыз!