Delta Airlines ұшағындағы жолаушылардың ұшу кезінде биіктіктің кенет төмендеуіне байланысты құлақ қалқаны жарылып, мұрындары қанаған. Бұл туралы Stan.kz ақпарат агенттігі хабарлайды.
Дереккөздің хабарлауынша, ұшақ АҚШ-тың Солт-Лейк-Сити қаласынан Орегон штатының Портленд қаласына ұшып бара жатқан. Үш мың метр биіктіктен ұшақ күрт төмендей бастап, бұл салондағы қысымның төмендеуіне әкелген. Борттағы жолаушылар қатты ауырсыну сезініп, құлақтарын ұстай бастапты. Кейбір жолаушылардың мұрнынан қан кеткен.
Ұшақ әуежайға шұғыл қонғаннан кейін ондаған адамға медициналық көмек қажет болған. Әуе компаниясы болған оқиға үшін жолаушылардан кешірім сұрады.
Жылдам ақпарат алу үшін Facebook, Instagram желілері мен Telegram каналымызға жазылыңыз!