2023 жылға қарай дәрігерлер жалақысы орта есеппен 550 мың теңгеден асады және Қазақстандағы орташа жалақыдан 2,5 есе жоғары. Бұл туралы ҚР Денсаулық сақтау министрі Ажар Ғиният Асфендияров атындағы Қазақ ұлттық медицина университетінің студентерімен кездесуінде айтты.
Сонымен қатар кездесуге Дүниежүзілік денсаулық сақтау ұйымының Еуропалық аймақтық бюросының директоры, доктор Ханс Хенри Клюге қатысты.
«Денсаулық сақтау жүйелеріміздің болашағы: алғашқы медициналық-санитариялық көмектің беделі, мотивациясы, құзыреттері» атты кездесуге ДДСҰ Еуропалық бюросының аймақтық директоры Ханс Хенри П. Клюге (Hans Henri P. Kluge), Қазақстанның денсаулық сақтау министрі Ажар Ғиният, ДДСҰ-ның Қазақстандағы өкілі Кэролайн Кларинваль (Carolyn Clarinval), ДДСҰ-ның алғашқы медициналық-санитарлық көмек жөніндегі Еуропалық орталығының басшысы Мелитта Якаб, Өзбекстанның денсаулық сақтау министрінің орынбасары Амрилло Иноятов қатысты.
ҚР Денсаулық сақтау министрі Ажар Ғинияттың айтуынша, бүгінгі таңда 8 жоғары оқу орны республиканың білім беру бағдарламаларының тізіліміне енгізілген 60-тан астам медициналық мамандық бойынша білім береді.
«Жыл өткен сайын мамандықтың беделі артып, медицинаға қызығушылық танытатын жастар көбейіп келеді. Медициналық жоғары оқу орындары жыл сайын 9 мыңнан астам маман бітіреді. 2021 жылдан бастап Денсаулық сақтау министрлігі грант құнын өсірді, бұл медициналық жоғары оқу орындарының материалдық-техникалық базасын жақсартуға айтарлықтай әсер етеді. Медицина қызметкерлерінің жалақысын жыл сайын, жүйелі түрде арттыруға көбірек көңіл бөлінуде. 2023 жылға қарай дәрігерлер жалақысы орта есеппен 550 мың теңгеден асады және Қазақстандағы орташа жалақыдан 2,5 есе жоғары болады»,- деді министр.
Сонымен қатар, ол Алғашқы медициналық-санитарлық көмек үнемі жетілдіріліп отыратынын тілге тиек етті.
«Алғашқы медициналық-санитарлық көмек қызметкерлерінің мүмкіндіктерін күшейту –денсаулықты жақсартудың негізі»,- деді ол.
ДДСҰ-ның Еуропалық аймақтық директоры доктор Ханс Клюге студентерге лекция оқыды.
Оның айтуынша, жас мамандардың прогреске жетелеу және алғашқы медициналық-санитарлық көмекті өзгертудегі әлеуеті орасан зор
«Біз сіздерді көшбасшы болады деп сенеміз. Денсаулықтың болашағы жастарға байланысты. Сіздердің ынта-жігерлеріңіз және өзгерістер үшін құлшынысыңыз бізге қолдау»,- деді ол.
Сонымен қатар, доктор Алғашқы медициналық-санитарлық көмек көптеген елдер ұмтылатын Денсаулық сақтау жүйесінің барлық мақсаттарына қол жеткізудің кілті екенін жеткізді.
«Ауруды ерте анықтауға және емдеуге баса назар аудару арқылы теңсіздікті азайтуға болады. Алғашқы медициналық-санитариялық көмек прогресті жеделдету арқылы өлімді азайтуға мүмкіндік береді. Бұл біздің Еуропалық аймақ және Қазақстан үшін өте маңызды. Қазақстан басшылығы әлемге алғашқы медициналық-санитариялық көмекті нығайтудағы тұжырымдамадан іс-қимылға көшудің үлгісін көрсетіп отыр»,- дейді доктор Ханс Клюге.
Спикердің сөзінше, Қазақстан көптеген елдер үшін МСАК рөлін ілгерілетуде көш бастап тұр.
«Пандемияның ауыр сабақтарының арқасында елдер денсаулық сақтаудың тұрақты жүйелерін алу үшін бізге мықты, жақсы ресурстармен қамтамасыз етілген және жедел әрекет ететін алғашқы медициналық-санитарлық қызметтер қажет екенін түсінді. Қазақстан көптеген елдер үшін МСАК рөлін ілгерілетуде және МСАК қызметтерін практикада ұсыну моделін трансформациялауды қамтамасыз етуде эталонға айналды»,- дейді ол.
Айта кетейік, кездесу ашық интерактивті форматта өтті. Студенттер мәртебелі қонаққа сұрақ қою мүмкіндігіне ие болды.
Ханс Клюге C.Ж. Асфендияров атындағы ҚазҰМУ-нің профессоры атағы берілді.
Жылдам ақпарат алу үшін Facebook, Instagram желілері мен Telegram каналымызға жазылыңыз!