Қаржы нарығын реттеу және дамыту агенттігі банктердің трансшекаралық операцияларына тексеріс жүргізбекші. LS сауалына агенттік осылай жауап берген, – деп хабарлайды kursiv.media
«Аталған мәселелерді қарастыру үшін Ұлттық банктің Қаржы нарығын реттеу және дамыту агенттігі мен Қаржылық мониторинг агенттігінің қатысуымен белгіленген тәртіп бойынша бірқатар банктердің трансшекаралық операцияларына тексеру бастамасы көтерілді», – деп жазылған хабарламада.
Еске салайық, өткен жолы Тоқаев қатысуымен Қаржы мониторинг агенттігінің отырысы өтті. Сол жерде президент қазақстандық банктердің бірі арқылы бір елден екінші елге 7 трлн теңге жібергенін айтқан еді
Жылдам ақпарат алу үшін Facebook, Instagram желілері мен Telegram каналымызға жазылыңыз!