Қазақстанда биыл картоп өнімінің түсімі былтырғы жылға қарағанда көбірек. Ішкі нарыққа қажетті 2 миллион тоннаның 300 мың тоннаға жуығы артық болмақ. Осыған орай мамандар картоп бағасының да арзандауы мүмкін деген болжам жасауда, деп хабарлайды Stan.kz ақпарат агенттігі “Хабар 24” арнасына сілтеме жасап.
Диқандар қыркүйектің алғашқы күндерінен бастап жаппай егін жинап, қазан айының ортасына дейін аяқтайды.
Ішкі нарыққа қажетті 2 миллион тоннаның 300 мың тоннаға жуығы артық болмақ. Күтілетін артық өнім толығымен экспортқа шығарылады. Биыл отандық фермерлер өнімді Өзбекстан нарығына өткізбек. Еліміздің картоп және көкөніс өсірушілер одағы картопты Ресейге жеткізу жоспары жоқ екенін хабарлады. Себебі көрші елдің өзінде де биыл өнім жақсы шыққан.
Қауымдастық әзірге елде картоп бағасының қандай деңгейде дамитынын болжап отырған жоқ. Алайда Ресейге экспорттау жоспары жоқ болғандықтан ішкі нарықта картоп бағасы төмендеуі мүмкін. Тіпті шаруалар қоймадан келісін 80 теңгеден сата алады. Қазақстан Республикасы Картоп өсірушілер одағы басқармасының төрағасы Қайрат Бисетаев Барлығы сұраныспен анықталатынын айтты.
“Биыл бізде маусымаралық кезеңде де қиындықтар болған жоқ. Еліміздің оңтүстігіндегі Түркістан, Жамбыл облысындағы ұсақ диқандар ерте картоп өсіруді қолға алып, қазір маусым-шілде айларын жабуда. Оның үстіне ерте жиналған картоптар Өзбекстаннан да келеді. Кейбір импорт ағындары жүріп жатыр. Бірақ, жалпы алғанда, біз ішкі нарықты жауып жатырмыз. Ішкі нарықты картоппен қамтамасыз етуде қиындық болмайды”,- деді Бисетаев.
Қазір ел аймақтарында картоптың келісі 150 теңгеден 250 теңгеге дейінгі бағамен сатылуда.
Жылдам ақпарат алу үшін Facebook, Instagram желілері мен Telegram каналымызға жазылыңыз!