Өңірлік комуникациялар орталығында әлеуметтік маңызы бар азық-түлік тауарларының бағасына байланысты брифинг өтті. Онда облыс орталығындағы күнделікті тұтынатын өнім түрлерінің бағасына байланысты айтылды.
– Қазіргі таңда қалада жұмыртқа жетіспеушілігі жоқ. Бұған дейін 4 млн жұмыртқа алынып, дүкен сөрелеріне қойылды. Бүгін тағы 700 дана келеді деп күтілуде. Сонымен қатар қант 7 процент, тауық еті 2 процент, сәбіз 1,9 процент, пияз 1,4 процент, қырыққабат 2,7 процентке арзандатылды. Қалған өнімдердің де бағасы тұрақты. Тұрақтандыру қоры өнімдері 29 әлеуметтік дүкенмен 2 әлеуметтік маркетінде және 4 ірі супермаркетінде халыққа ұсынылуда. Бағаларға күнделікті мониторинг жүргізіліп отырады. Тауық жұмыртқасының тапшылығын болдырмау және облыстың бөлшек сауда желілерін үздіксіз қамтамасыз ету мақсатында Қостанай, Ақтөбе, Алматы облыстарымен және Ресей Федерациясымен келіссөздер жүргізілді. Осы бағытта тиімді жұмыстар жүргізіліп, аймағымызда өнім бағасы тұрақты сатылуда, – деді облыстық ауыл шаруашылығы басқармасының басшысы Шахмардан Қойшыбаев.
Тұрар БЕКМЫРЗАЕВ
Жылдам ақпарат алу үшін Facebook, Instagram желілері мен Telegram каналымызға жазылыңыз!