2026 жылдың қаңтарында Қазақстанда пәтерді жалға алу тағы да арзандады, деп жазады Krisha.kz. 2025 жылғы желтоқсанмен салыстырғанда ел бойынша орташа пәтер жалдау мөлшерлемесі 1% төмендеді, – деп хабарлайды kursiv.media
Жалға алу қай қалаларда арзандады
Қазақстанның 19 қаласының жетеуінде жалға алу бағасының төмендеген. Атап айтсақ, Астана, Алматы, Петропавл, Орал, Қостанай, Өскемен және Шымкент қалаларында шамамен 1-2% төмендегені тіркелген.
Павлодар, Ақтау және Талдықорған қалаларында бағаның шамалы өсуі байқалды. Қалған қалаларда жалдау құны алдыңғы ай деңгейінде қалды.
Ел бойынша орташа ставка
Қаңтар айында Қазақстан бойынша тұрғын үйді жалға алудың орташа құны бір шаршы метр үшін 3417 теңге болды.
Ең төменгі мөлшерлеме Түркістанда, яғни бір шаршы метрге 2000 теңге. Ең жоғарысы — Алматыда, жалдау ақысы орташа есеппен бір шаршы метрге 5833 теңгені құрайды.
Пәтер жалдау қанша тұрады
Сарапшылар атап өткендей, мегаполистер мен аймақтар арасындағы айырмашылық айтарлықтай жоғары. Облыс орталықтарында бір бөлмелі пәтерді Алматыға немесе Астанаға қарағанда 3-4 есе арзанға жалға алуға болады. Мегаполисте бір пәтерді жалға алатын ақшаға басқа қалаларда бірден бірнеше үйді жалға алуға болады.
Бір бөлмелі пәтерді жалға алудың ең төменгі құны Таразда, яғни айына 85 мың теңге. Ең жоғары баға Алматыда бір бөлмелі пәтердің орташа бағасы 220 мың теңгеге жетеді.
Қалалар бойынша орташа жалдау бағасы
Астанада бір бөлмелі пәтерді жалға алу орташа есеппен 200 мың теңге, екі бөлмелі пәтерді — 280 мың теңге, үш бөлмелі пәтер — 400 мың теңге.
Алматыда орташа бағалар жоғары: тиісінше 220 мың, 320 мың және 450 мың теңге.
Шымкентте бір бөлмелі пәтерді орта есеппен 150 мың теңгеге, екі бөлмелі пәтерді 200 мың теңгеге, үш бөлмелі пәтерді 240 мың теңгеге жалға алуға болады.
Ең қолжетімді бағалар Тараз мен Түркістанда болып отыр. Таразда бір бөлмелі пәтерді жалға алу орташа есеппен 85 мың теңгені, Түркістанда — 100 мың теңгені құрайды.
Бір тәулікке жалдау
Қаңтар айында пәтерлерді күнделікті жалға алудың орташа бағасы да тұрақты болып қалды. Астанада пәтерді бір тәулікке жалға алу орташа есеппен 15 мың теңге, Алматыда — 18 мың теңге тұрады.
Жылдам ақпарат алу үшін Facebook, Instagram желілері мен Telegram каналымызға жазылыңыз!