Көңілге көктем шуағындай сезім мен нұр құйып 8 наурыз Халықаралық әйелдер мерекесі де келіп жетті. Осыған орай Қызылорда қалалық білім бөлімінің «Сыр дидары» бөбекжай-бақшасының «Жас қайың» тобының бүлдіршіндерінің қатысуымен ертеңгілік өтті. Мерекелік шараны топ тәрбиешілері Луиза Наурызбаева мен Нұрайым Байниязова ұйымдастырды.
Бұл мерекенің қай кезде де орны бөлек. Себебі аналарға деген ыстық сезім, алғыс пен құрмет ешқашан сөнген емес. Олар өмірдің гүлі, көңілдің жыры, әр отбасының алтын діңгегі. Ертеңгілікте бүлдіршіндер әжелері мен аналарына арналған әндерін орындап, тақпақтарын жатқа айтты. Би билеп, түрлі өнерлерін ортаға салды. «Жас қайың» тобының бүлдіршіндері ата-аналарына деген шексіз құрметі мен махаббатын осылайша білдіріп, керемет көңіл-күй сыйлады.
Жылдам ақпарат алу үшін Facebook, Instagram желілері мен Telegram каналымызға жазылыңыз!