Қазақ халқының мәдени мұрасы-оның музыкасы,әсіресе күй өнері,әлемдік мәдениетке қосылған зор үлес болып табылады. Күй-қазақтың ұлттық музыкалық өнерінің алтын қазынасы,бұл жанр халықтың ішкі жан дүниесі мен өмір салтын,тарихын бейнелейді. Қазақ күй өнері тек музыкалық аспаптардың үндестігін ғана емес, оның терең философиялық мәнін,тұрмыстық дәстүрін,ұлттық болмысында көрсетеді. Сондықтан қазақ күй өнеріне арналған бұл бағдарламаның маңызы зор. Бағдарлама оқушыларға күй өнерін терең түсініп,бағалауға көмектеседі,әрі ұлттық мұраны сақтап қалу жолында маңызды рөл атқарады. Қазақ күй өнерін оқу, оның тарихын,орындаушылық техникасын білу оқушылардың музыкалық мәдениетін дамытады. Әрбір күй өзіндік ерекше дыбысталуымен ,тарихымен, орындаушылық ерекшеліктерімен бағаланады. Бұл өнер тек музыка емес, ол халықтың рухани қазынасы.
Мақсаты: Қазақ халқының музыкасы туралы ақпарат беру,аспаптар үнін тыңдату.Атақты күйшілердің шығармаларының өзіндік ерешеліктерін ұғындыру, күйлерін үйрету, тыңдату. Оқушылардың күй тыңдау мәдениетін қалыптастыру, ой-өрісін кеңейту,адамгершілік эстетикалық тәрбие беру. Музыка сауатын ашып, музыка өнерін меңгерту бала бойындағы тағы бір қасиетін ашып, жетілдіру, болашағына жол ашу.
Міндеттері : Оқушылардың музыка өнеріне деген көзқарастарын қалыптастырып,тәрбие құралы ретінде пайдалану, көркем-эстетикалық қызығушылығын арттыру. Мұғалімдерді даярлау әдіс-тәсілдерін анықтау,оқушыларды еңбекқорлыққа,саналылыққа тәрбиелеу. Музыкаға саналы карым-қатынасты қалыптастыру,музыкалық білімдерді күнделікті өмірде қолдана білу, музыкалық образдардың сипатын сезіну, даму логикасын байыптау,шығарманың өміршеңдігі мен идеялық негізін саналы түрде ұғып,түсіну.
Бағдарлама оқушыларға қазақ күй өнерінің бай мұрасын түсіндіріп,оның орындаушылық ерекшеліктерін меңгеруге мүмкіндік береді.
Кіріспе бөлім: Бұл бөлімде қазақ күй өнерінің жалпы тарихы мен даму кезеңдері,күйлердің түрлері,маңызы мен орны,күй шығармашылығының ерекшеліктері туралы мәліметтер берілген.
Қазақ күй өнеріне арналған авторлық бағдарламаның педагогикалық маңызы зор.Оқушылар күй арқылы қазақ халқының мәдениеті мен дәстүрін тереңірек түсініп,оны құрметтеуге үйренеді. Оқушылар күйдің мазмұнын тыңдай отырып,халықтың рухани әлеміне үңіле алады.Өздері де шығармашылық тұрғыда күйді орындауға немесе жаңа музыкалық туындылар жасауға ынталанады. Күйді орындау арқылы музыкалық техникасын дамытып,орындаушылық шеберліктерін жетілдіреді. Бағдарлама тек күй орындауға ғана емес,олардың шығармашылық қабілеттерінде дамытуға бағытталған. Оқушылар күйді орындау арқылы музыкалық техникасын дамытып,өздерінің орындаушылық шеберліктерін жетілдіреді. Авторлық бағдарлама қазақ күй өнерін терең меңгеруге,оны келешек ұрпаққа жеткізуге мүмкіндік береді.
Қызылорда қаласы
М.Шоқай атындағы №187 ІТ мектеп-лицейі
Пірімжанова Арайлы Әбутәліпқызы
Музыка пәні мұғалімі
Жылдам ақпарат алу үшін Facebook, Instagram желілері мен Telegram каналымызға жазылыңыз!