Тұрмыстық зорлық-зомбылық профилактикасы – Ішкі істер органдары қызметінің негізгі бағыттарының бірі. Оның тиімділігі еліміздегі құқықбұзушылықтың жай-күйі және мемлекетіміздің болашағын құрайтын отбасы институтының дамуына байланысты.
Әйелдердің құқықтарын қорғау, отбасылық құндылықтарды сақтау, сондай-ақ тұрмыстық зорлық-зомбылыққа қарсы іс-қимыл әрекеті Мемлекет басшысы мен Ішкі істер министрлігі басшылығының ерекше бақылауында.
Әйелдерге қатысты тұрмыстық зорлық-зомбылықтың алдын алуға және жолын кесуге, ана мен баланы қорғауға, отбасының қоғамдағы рөлін нығайтуға бағытталған қабылданып жатқан шаралар туралы жұртшылықты ақпараттандыру мақсатында биылғы тамыз айының 27-сі мен қыркүйек айының 10-ы күндері аралығында Қызылорда қалалық полиция басқармасы Жергілікті полиция қызметі бөлімі отбасылық-тұрмыстық зорлық-зомбылыққа қары күрес бөлімшесі «Бақытты отбасы – бақытты ел» атты акциясы басталғанын жариялайды.
Бұл іс-шараға полиция қызметкерлері, мүдделі мемлекеттік органдары, үкіметтік емес ұйымдары, жұртшылық пен бұқаралық ақпарат құралдары өкілдері жұмылдырылды.
Қызылорда ҚПБ ЖПҚб
Отбасылық-тұрмыстық
зорлық-зомбылыққа қарсы
күрес бөлімшесі
Жылдам ақпарат алу үшін Facebook, Instagram желілері мен Telegram каналымызға жазылыңыз!