Әл-Фараби атындағы Қазақ ұлттық университеті білім мен ғылымды ұштастыра жүріп жеткен жетістіктерімен QS рейтингі бойынша әлемдегі Топ-200 ЖОО-ның қатарындағы үздік 150 жоғары оқу орындары құрамына қосылды. Құрамында 16 факультет, 100-ден аса кафедра, 20 ғылыми-зерттеу орталықтары бар университетте кез келген білімгер өзінің болашағын айқындап, алдына нақты мақсат қоюда. Негізінде университеттің жобалары студенттік өмірдің қызықты және де мағыналы өтуіне үлкен мүмкіндік тудырады
Бүгінгі кезде бәсекеге қабілетті «Мемлекеттік және жергілікті басқару» мамандықтарын даярлауға оқу орнымыздың деңгейі жоғары болуына және білімгерлердің жан-жақты білім алуына отандық және шет елдік ғалымдар еңбектенуде. Алыс шет елдердің университеттерімен: АҚШ, Индонезия, Испания, Италия, Малайзия, Нидерланды, Польша, Португалия, Түркия, Ұлыбритания, Финляндия, Франция, Чехия сонымен қатар жақын шетелдердің: Өзбекстан, Ресей (Белгород, МГИМО, Оңтүстік-Орал, Пенза, РУДН, РЭУ) жоғары оқу орындарымен ынтымақтастық меморандумға қол қойылып 35 шет елдік ғалымдармен ғылыми жұмыстар атқарылуда. Оқу бағдарламалары үнемі жетілдіріліп, жұмыс берушілердің талаптары мен ұсыныстары ескерілуде.
Университеттегі экономика және бизнес жоғары мектебінің профессор-оқытушылар құрамы мемлекеттік органдар, бизнес және ұлттық экономика салалары үшін кәсіби басқарушы кадрларды даярлауда көшбасшы болып табылады. Унниверситет деңгейінде жоғары білікті кадрларды дайындаудың үздік отандық дәстүріне сүйене отырып, факультет мемлекеттік қызмет үшін кадрлар даярлаудың әлемдік жетекші орталықтарының стандарттарына сәйкес келетін студенттердің құзыреттіліктерін қалыптастыруға ұмтылуда. Сондай-ақ өзінің стратегиялық міндетін жаңа үлгідегі саяси элитаны дайындауда академиялық білім сапасы тұрғысынан да, оның құндылық бағдарлары тұрғысынан да көреді, олардың ар-намыс, мемлекет мүддесі алдыңғы орында тұрады. Бакалавриат бағдарламалары шеңберінде кәсіптік оқыту студенттерге отандық және шетелдік мемлекеттік басқару және басқару тәжірибесі саласында арнайы білім беруді қамтиды. Бакалавриаттағы білім іргелі ғылыми пәндерді терең меңгеруге ғана емес, сонымен бірге топта жұмыс істеу дағдыларын, оның ішінде көшбасшылық қасиеттерді қалыптастыруға, мақсат қою және оған жетудің әдістері мен тәсілдері арқылы заманауи тиімді құралдарын табу қабілетін дамытуға бағытталған. Кафедраның білім беру бағдарламаларының ерекшелігі бірқатар оқу пәндері ағылшын тілінде оқытылады. Бакалавр, магистранттар, докторанттардың білім беру бағдарламалары ауқымы стратегиялық басымдықтарға және мемлекеттік басқару тәжірибесінің қажеттіліктеріне және жұмыс берушілердің талабы, сұранысы, мақсаттарына сәйкес үнемі жаңартылып, жетілдіріліп отырады. «Мемлекеттік және жергілікті басқару» мамандығының алған білімдері келешекте тұралап қалған мемлекеттік басқаруды қайта жандандыруы сөзсіз. Бұл мамандық негізінде тек басқару жағын ғана үйретіп қоймай, адаммен қарым-қатынасты, тұлғаны сыйлауды, жан-жақты ойлауды, ұлтқа, азаматқа адал болуды үйретеді. Бұл мамандық иелеріне деген сұраныс жақсы. Себебі, еліміздің экономикасын қалыптастыру, мемлекетті алға жылжыту дәл осы мамандық иелерінің жұмысы. Жас мамандарды жергілікті басқару органдарында өз мамандығымен жұмыспен қамту өңірлердің әлеуметтік-экономикалық деңгейін жақсартады және нарық кеңістігіндегі бәсекеге қабілеттілігін арттырады. Мемлекетіміз «Менеджмент» кафедрасында 3 деңгейдегі даярланып жатқан «Мемлекеттік және жергілікті басқару» мамандықтарын бітіруші түлектерімізге өте кең мүмкіндік беріп отыр. Бітіруші түлектер еліміздің 17 облысындағы 176 ауданындағы 6159 ауылдық аймақтарға оралуына, өңірлерде кадр тапшылығын азайтуға тікелей атсалысуда. Биыл 2025 жылы «Мемлекеттік және жергілікті басқару» мамандықтарын үздік бітіретін түлектеріміз осы жеңілдіктер негізінде конкурссыз жұмысқа орналасу мүмкіндігіне ие болды.
Оңалбек Абралиев
Әл-Фараби атындағы ҚазҰУ профессоры, э.ғ.д.
Өмірбек Бекарыс
Білімгер
Жылдам ақпарат алу үшін Facebook, Instagram желілері мен Telegram каналымызға жазылыңыз!