Жақында Ақтау қаласында дзюдодан 2009-2010 жылы туған жасөспірімдер арасындағы Қазақстан чемпионаты өтті. Төрт күнге жалғасқан бәсекеге 17 облыс пен 3 қаладан келген 200-ден астам спортшы бозкілемде бақ сынады.
Қызылорда облысының жас дзюдошылары 2 алтын, 3 күміс медаль алып, жалпы командалық есепте II орын иеленді.
Жарыс нәтижесі бойынша: 55 кг салмақ дәрежесінде Ислам Саматұлы I орын, 63 кг салмақ дәрежесінде Айдархан Арайлым I орын, 90 кг салмақ дәрежесінде Еліасқар Әликаев II орын, 60 кг салмақ дәрежесінде Арқар Бақытжан II орын, 81 кг салмақ дәрежесінде Байзақ Қажымұхан II орын иеленді.
Қызылорда облысының жас спортшылары жылды жарқын жеңістермен аяқтап, өңір спортының дамып келе жатқанын тағы бір мәрте дәлелдеді. Волейбол, бокс, дзюдо және кикбоксинг бойынша жеткен жетістіктер – жаттықтырушылардың еңбегі мен спортшылардың талпынысының нәтижесі.
Жылдам ақпарат алу үшін Facebook, Instagram желілері мен Telegram каналымызға жазылыңыз!