Қазақстанда IT-мамандарға сұраныс артып келеді, ал олардың жалақысы жыл сайын өсуде. «Kolesa Group» жүргізген зерттеуге сүйенсек, еліміздегі әзірлеушілердің 74%-ы қазақстандық IT-компанияларда жұмыс істейді, 14%-ы шетелдік компанияларда, ал 12%-ы қашықтан еңбек етеді. Жалақы деңгейі маманның тәжірибесіне байланысты. Орташа айлық жалақы – 1220000 теңге, медианалық жалақы – 960000 теңге. Ең көп табыс табатындар – iOS әзірлеушілері, олардың жалақысы 2100000 теңгеге дейін жетеді. Ал ең төменгі жалақы 160000 теңге шамасында. Тәжірибесі үш жылдан асқан мамандардың жалақысы күрт өседі, себебі компаниялар білікті кадрларды көбірек бағалайды. Жұмыс форматы да өзгеріп жатыр. 36%-ы аралас режимде, 33%-ы кеңседе, ал 26%-ы қашықтан жұмыс істеуді жөн көреді. Бұл қашықтан жұмыс істеуге сұраныс тұрақты екенін көрсетеді, бірақ көптеген маман үшін кеңседегі жұмыс пен командалық өзара әрекеттестік маңызды болып қала береді. Қазақстанда IT сала барған сайын құрылымдалып, жалақы деңгейі мен талаптар жоғарылауда. Халықаралық нарыққа шығу мүмкіндігі артып, білікті мамандарға сұраныс күшейіп келеді. Бұл трендтер еліміздегі IT индустрияның болашағы айқын әрі әлеуетті екенін дәлелдейді.
Жылдам ақпарат алу үшін Facebook, Instagram желілері мен Telegram каналымызға жазылыңыз!