Бөртпелер шыққаннан кейін баланың жағдайы әдетте жақсарады. Бөртпелер 5 күн Қызылша – жылдам таралатын жұқпалы ауру. Ауру адаммен байланыста немесе қасында болғаннан кейін он күннен соң суық тию белгілері бойынша басталады: бұлар – дене қызуының көтерілуі, тұмау, көздің қабынуы және жөтел. Ауру уақыт өткен сайын асқына түседі. Ауыз іші қабынып, ісініп, іш өтуі мүмкін. Екі немесе үш күннен кейін ауыздың шырышты қабығында тұздың жартысындай кішкентай ақ дақтар көріне бастайды. Одан кейін екі немесе үш күн өткен соң құлақта және мойында, сосын бетте және денеде, ең соңында қол мен аяқта бөртпелер пайда болады. Денеге бөртпелер шыққаннан кейін баланың жағдайы әдетте жақсарады. Бөртпелер 5 күннің ішінде шығып болады. Кейде тері астына қанның құйылуы (қара қызылша) салдарынан шашыраңқы қара дақтар (көгерген жерлер) байқалады. Бұл дерттің әсерінің өте күшті екенін білдіреді. Мұндайда дәрігер көмегіне жүгіну керек.
Қызылшамен ауырған баланы басқа балалардан бөлек ұстаған жөн. Әсіресе, туберкулезбен немесе бойға сіңіп кеткен басқадай аурумен ауыратын балаларды сақтандыру керек. Қызылша ауруы бар үйдің балалары мектепке, дүкенге немесе басқа да қоғамдық орындарға 10 күнге дейін баруына болмайды. Ал 8 айдан 14 айға дейінгі балаға қызылшаға қарсы екпе егілу керек.
Қызылшамен ауырған балаға немесе ересек адамдарға маман ретіндегі бірнеше кеңес ұсынамын:
Біріншіден, бала төсекте жатуы керек, сұйықты көп ішіп, құнарлы тамақ жегені жөн. Егер ол қою тамақты жей алмаса, сұйық сорпа беріңіз. Егер балаға емшек ему қиынға соқса, онда емшекті сауып, сүтті қасықпен ішкізіңіз. Екіншіден, көздің бүлінуін болдырмау үшін мүмкіндігінше А дәруменін беріңіз.
Ал қызу көтерілгенде және бала тынышсызданғанда парацетомол (аспирин) беру қажет. Егер құлағы ауырса, антибиотиктер ішкізген жөн. Өкпесінің қабынғанын, менингитті немесе құлақ пен асқазанның қатты ауырғандығын білдіретін белгілер байқалса, дәрігер шақырыңыз. Егер баланың іші өтсе, регидрационды су беріңіз.
Ақкенже ҚОЖАБАЕВА,
№ 5 қалалық емхананың балалар бөлімінің мейіргері
Жылдам ақпарат алу үшін Facebook, Instagram желілері мен Telegram каналымызға жазылыңыз!